Gayoso comparecerá no Congreso o vindeiro 26 de xullo
Farao o mesmo día que Rodrigo Rato, Narcís Serra e Elena Salgado. Dous días antes terán que dar explicacións MAFO e José Manuel Campa.
EU-Os Verdes confirma a Yolanda Díaz como candidata á Xunta
A formación de esquerdas confía en entrar no Parlamento galego tras anos de ausencia e aposta por "erguer unha alianza política e social que poña fin aos recortes, ao paro, á resignación e ao medo social"
O FMI prevé que a recesión española se prolongue até 2013
O Fondo rectifica a súa previsión inicial de crecemento para o vindeiro ano e agoira unha caída do 0,6% e a peor recesión das grandes ecomomías europeas. O informe non ten en conta os últimos recortes anunciados por Rajoy, pero o organismo xa asume que reducirán aínda máis o crecemento.
Cincuenta entidades xa reservaron espazo no Culturgal 2012
A organización da feira das industrias culturais avanza na organización da súa edición deste ano e encoméndalle de novo a dous libreiros pontevedreses a xestión da tenda do recinto
Novagalicia Banco non recorrerá a sentenza polas preferentes
Castellano insiste en que quere arranxar o problema canto antes porque "afecta á reputación da entidade" e aposta pola arbitraxe para a súa solución, tras recoñecer que acatarán o ditame que obriga a entidade a devolver os cartos a un afectado galego
O "perdón" de Castellano non abonda para os estafados coas preferentes
Clientes das antigas caixas e da actual Novagalicia Banco seguen a esixir a devolución dos seus cartos tras o inicio da campaña de imaxe da entidade e despois de que un xulgado de Cambados determinase que un destes contratos é integramente "nulo"
Os profesionais do traballo social alertan da "destrución do Estado do Benestar"
O Colexio de Traballo Social de Galicia advirte de que os novos recortes "poden mandar a procesos de marxinalidade e pobreza a milleiros de familias" que xa viven "unha situación extrema"
O Consello de Ministros executa o recorte
A reunión foi dobre, a primeira presidida polo rei, e á espera de coñecerse todos os detalles, confirmou as medidas adiantadas por Rajoy o mércores. Os funcionarios perden todos os días de libre disposición, agás tres. A suba do IVE entrará en vigor o 1 de setembro, e a dedución por compra de vivenda deixará de aplicarse o 1 de xaneiro. Boa parte dos produtos e servizos aos que se lles aplicaba o tipo reducido pasan a estar gravados polo tipo xeral.
Causa Galiza deixa o NPC por "non contar coas mínimas garantías democráticas"
A plataforma independentista cre que o Novo Proxecto Común ten en "perspectiva" unha alianza con Compromiso que sería a "antítese dun proxecto de liberación nacional", din
Entidades mineiras sen ánimo de lucro?
A Xunta destina 800 mil euros para subvencionar iniciativas e entidades que fomenten a minaría en Galicia e que non teñan como finalidade o beneficio económico. Os colectivos que loitan contra proxectos mineiros coma o de Corcoesto denuncian estas achegas.
A demanda de Novartis contra a lei india de patentes fai perigar o acceso global aos medicamentos
O 22 de agosto o Tribunal Supremo indio comezará a examinar a demanda que podería ter un impacto devastador no acceso a medicamentos esenciais asequibles nos países en desenvolvemento. Médicos sen Fronteiras pídelle á farmacéutica que a retire.
A Torre dos Mouros segue revelando os seus segredos
Madoz documentou en 1847 a existencia de varias torres no lugar de Torre dos Mouros. O innovador traballo arqueolóxico que se desenvolve en Lira continuará esta fin de semana. O sábado celébrase nova barferencia, en Carnota, centrada nos petroglifos da zona.