Praza Pública

A central nacionalista dá conta dun contrato de publicidade da Consellería de Sanidade para "sensibilizar e promocionar o consumo destes medicamentos" e censura que o Goberno non dedique estes cartos "a comprar ou subvencionar estas menciñas".

O autor de Pousa, pousa, O andar miudiño, Foliada do Celta, Falemos galego, Os bistéqueles ou O gato faleceu este domingo en Vigo aos 66 anos de idade, despois de 36 anos á fronte da formación.

Publícaa La Razón e indica que o PP podería obter entre 34 e 37 deputados, o PSdeG-PSOE 24-25 e o BNG 10. Os descensos dos tres principais partidos serían aproveitados por outras formacións (aínda que varias delas aínda non definiron de que forma se van presentar) como Anova (2), EU (1-2), UPyD (0-2) e mesmo CxG, sen representación pero cun 3,1% dos votos.

As asociacións e colectivos que agrupan estes traballadores amósanse moi críticos coa xestión de Mariano Rajoy e auguran un futuro negro para estes profesionais e pequenos negocios. Nos primeiros seis meses do ano o número de altas de autónomos en Galicia foi de case vinte mil persoas, moitos deles desempregados que buscaron emprender unha iniciativa laboral pola súa conta.

No Consello Nacional de CxG, celebrado o sábado, o partido ecosocialista presentou unha proposta (rexeitada por 34 votos fronte a 12) para que unha coalición nacional e progresista entre Compromiso e Anova non se pechase a outras forzas.

Pachi Vázquez mantivo un encontro con pais e nais de alumnos afectados pola suba do IVE no material escolar e prometeu de novo que nos cen primeiros días de Goberno anularía os concertos cos centros de ensino que segregan por sexo. 

Entre o domingo e o luns a formación realizará a proposta formal a EU, BNG e aos partidos que compoñen Compromiso, aínda que Bloque e CxG xa manifestaron a súa negativa participar. Xosé Manuel Beiras insta "poñer o país por riba de intereses partidarios" e aclara que "nós non somos o centro desta fronte, só os que apostamos por ela de forma máis aberta".

Un blog publica consellos para mudar a lingua do navegador, importante para potenciar as versións en galego de webs multilingües, as procuras da galipedia ou  as descargas de programas na súa versión galega.

A Coruña acolleu en distintos espazos da cidade unha orixinal e intensa homenaxe a Bernardino Graña, organizada pola AELG e Arteu, e na que participaron Manuel Rivas, Xosé Luís Méndez Ferrín, Xosé María Álvarez Cáccamo, Xabier Docampo, Anxo Angueira, Xurxo Souto ou Dores Tembras, entre ducias de poetas e músicos.

O Partido Liberal, no poder, podería perder a metade dos seus escanos, nuns comicios nos que o Parti Quebecois é o gran favorito. Sumando os seus votos e os da Coalition Avenir (unha escición de centrodereita do PQ), o sobearismo podería sentirse o suficientemente forte para convocar un terceiro referendo de autodeterminación.

Convocou "de urxencia" o seu Consello Nacional para ese día, co obxectivo de aprobar a coalición e até ese día acelerarán os contactos coas distintas formacións políticas interesadas no proceso de converxencia. Segundo os estatutos de EU, o acordo e un programa de mínimos deben ser aprobados polas asembleas comarcais da coalición, que se celebrarían o mércores ou o xoves.