Acontece

Eurostat calcula que máis do 83% da poboación da UE pode chegar ao hospital en coche en apenas un cuarto de hora, pero o resultado ten grandes diferenzas territoriais. A provincia lucense, cun 49,7% de habitantes en condicións de non superar o limiar dos 15 minutos no acceso ao hospital, ten unha situación semellante a territorios do norte de Portugal ou ás de Ávila, Toledo, Cuenca e Teruel. A Coruña e Pontevedra, pola súa banda, achéganse a un 70% equiparable ao de grandes áreas de Centroeuropa ou dos países nórdicos

A mobilización en Vigo chega despois dunha agresión sufrida por persoal de enfermaría o pasado xoves e días despois de que profesionais do CHUAC presentasen 2.000 sinaturas ante a Consellería de Sanidade pedindo protocolos actualizados contra a violencia. 

A poboación segue a ser maioritariamente católica (o 59,5% aínda se definía así nunha enquisa do ano 2024), pero case non vai a misa (apenas o 17% acode con frecuencia) e os crentes xa só son maioría entre os maiores de 45 anos. O gran cambio produciuse a partir de 2016. Hai corenta anos, en 1984, a maioría dos galegos definíase como católicos practicantes, que entre as mulleres chegaban ao 72%.

O filme, dirixido por Enrique Banet e producido por Mabel Rivera, analiza os posibles efectos da implantación da planta de Altri en Palas de Rei, localidade onde se estreará este sábado, 12 de abril, a partir das 20 horas na Casa da Cultura. "A difusión do documental supón levar a cabo “un labor de servizo público que agora mesmo non se está a cubrir pola televisión pública”

Este venres os restos de Juan Boedo Pardo, Andrés Pinilla Fraga, Pedro Pinilla Calvete foron entregados aos seus familiares nun acto celebrado no salón de plenos do pazo municipal de María Pita, na Coruña. Secuestrados e asasinados o 29 de setembro de 1936, os seus corpos foron exhumados hai dous anos no cemiterio de Bértoa (Carballo), onde foran soterrados nunha foxa común.

Un xulgado considera que a entidade "permitiu" que unha traballadora sufrise "hostigamento, degradación e illamento" por parte doutra "de forma prolongada no tempo"

Hai unhas semanas pechou as súas portas no CHUO a Unidade Multidisciplinar post-COVID. Este xoves persoas que sofren os efectos da doenza concentráronse ás portas do centro hospitalario para protestar contra a decisión adoptada polo Sergas.

María do Carme Seijas fai 100 anos este sábado, unha celebración que coincide coa homenaxe, como Republicana de Honra, que lle rende a CRMH na Cea da República e que foi precedida por un acto institucional no Concello da Coruña. Veciña da Silva, a súa vida é tamén “a historia dun barrio que soubo manter a cabeza erguida mesmo nos momentos máis escuros”, destacou Inés Rey.

A xunta de persoal denuncia estar "baixo mínimos", con consultas "reducidas ou pechadas", listas de agarda que "non fan máis que medrar" e derivacións continuas a Lugo, o que provoca "abandono absoluto" no seguimento dos pacientes. 

O TSXG ratifica novas penalidades á empresa por reiterados incumprimentos no transporte escolar, que non impediron que a Xunta lle prorrogase os contratos

O xulgado remitiu este mércores as apelacións á Audiencia da Coruña, á que Adif e o sue cargo condenado piden un 'segundo xuízo' que atrasaría aínda máis o remate do caso polo accidente ocorrido en 2013