Nos 302 concellos con restricións nivel 2, alén do veto aos encontros de máis de 5 persoas rexe a limitación xeral de capacidade do 50% ás actividades en espazos interiores de uso público. Nos once concellos con medidas de nivel 3, os límites son máis estritos para as reunións e en tres contornas da provincia de Ourense rexe o confinamento perimetral.
A Xunta enviou 50.000 tests rápidos de dobre banda ás tres universidades, que se encargan da loxística e tiran de estudantado e profesorado de Enfermaría para realizar as probas.
A entrada en servizo o martes de máis de cen novos quilómetros entre Zamora e Seabra reduce a menos de catro horas as viaxes entre Ourense e Madrid, pero con só catro Alvia diarios por sentido fronte aos seis anteriores á pandemia
A Xunta cifra en 608 os positivos de coronavirus entre alumnado e profesorado e di que solicitou "informes de expertos" sobre "os criterios axeitados de ventilación" nos centros educativos para previr a COVID-19
Na capital ourensá a incidencia do coronavirus a 14 días comeza a remitir, pero segue por riba dos 460 casos por 100.000 habitantes na provincia. Os case 5.500 "positivos activos" en toda Galicia son a maior cifra da segunda vaga e practicamente igualan o máximo da primeira, cando eran realizadas moitas menos probas
A Deputación de Lugo conta con 1.795 prazas no Servizo de Teleasistencia a Domicilio, que de maneira gratuíta favorece a autonomía e a permanencia no seu entorno a maiores de 65 anos
Segundo os datos publicados esta semana por Eurostat, entre marzo e xuño producíronse só 117 defuncións máis que na media dos catro anos anteriores. Pola contra, no conxunto do Estado Español foron 48.000 as mortes por riba do esperado. En cambio, os falecementos rexistrados en agosto e setembro comezan a empeorar os indicadores galegos
A Xunta impón o nivel 2 de restricións en todo o país, cunha limitación da capacidade de todos os establecementos comerciais e de hostalaría ao 50% e sen consumo en barra. En Santiago e Milladoiro as xuntanzas quedan limitadas ás persoas convivintes e en Verín, Oímbra e Vilardevós, establécese un peche perimetral que só permitirá a mobilidade entre estes concellos
Ata 91 dos novos casos son da área de Santiago-Barbanza e outros 67, da de Ourense, onde a incidencia comeza a descender aos poucos malia seguir sendo moi elevada. Cinco dos novos falecementos notificados son de persoas que vivían en residencias de maiores. A porcentaxe de PCR positivas só está en dúas áreas sanitarias por baixo do 5% que a OMS sinala como limiar para o control da doenza
O cribado masivo comeza con críticas dos colexios médicos e da enfermería e a denuncia do alcalde de Barbadás, que lembra que os tests enviados caducan esta semana e censura a "premura" e "improvisación" do Sergas.
As nais e pais do alumnado de 1º de Bacharelato do IES Antonio Fraguas de Santiago inician mobilizacións este martes para esixir a contratación de seis docentes, que permitiría que todas as clases fosen presenciais. Denuncian o "agravio comparativo" con respecto ao estudantado doutros centros
O Sergas suma 425 novos positivos en vinte e catro horas, 417 detectados mediante PCR, e suma catro mortes das que tres eran residentes do mesmo centro de maiores. As máis de 300 persoas hospitalizadas con test positivo do coronavirus supoñen outro máximo da segunda vaga nun contexto no que destaca o empeoramento da situación na área sanitaria de Vigo