Precarios-Galicia convoca unha concentración contra os recortes en I+D+i e para realizar un chamamento á sociedade "en favor da ciencia en Galicia" e en contra da "actual fuga de cerebros que está sufrindo o noso país". Terá lugar este mércores na praza do Obradoiro de Santiago.
AS Computer abre este martes unha nova tenda Apple Premium Reseller na cidade das Burgas. Os dez primeiros clientes recibirán un iPod shuffle e os 500 primeiros terán un presente conmemorativo ademais de participar en varios sorteos.
El Diario relata os casos de investigadores aos que se lles suprime a paga de nadal coma se fosen funcionarios, deixando case a cero a súa nómina deste mes.
O Ministerio de Sanidade xa ten redactada a resolución que imporá que os pacientes non ingresados que reciben medicación dende o hospital teñan que pagar 4,13 euros por algúns medicamentos, entre os que se atopan tratamentos contra o cancro
Cambio de modelo lingüístico, máis alumnos por aula, colexios menos democráticos, blindaxe da escola segregadora por sexo, maior cota do sector privado e supresión de Cidadanía son algúns dos polémicos cambios que propón o ministro.
O Integrupo de Minorías Nacionais e Linguas do Parlamento Europeo aproba unha declaración contra o borrador por "ir contra a diversidade lingüística que propugna a UE". A eurodeputada do BNG, Ana Miranda, integrante do colectivo, denuncia "o ataque frontal á realidade plurilingüe de Galiza".
Educación saca adiante, malia á oposición do Consello Escolar de Galicia, o decreto que deixa en mans de cada colexio público ou concertado o establecemento de criterios adicionais aos da Xunta para admitir estudantes.
Os membros restantes do órgano aprobaron a anulación das prazas docentes convocadas imposta pola Xunta. Os e as afectadas anuncian que recorrerán á vía xudicial contra a decisión do Reitorado e contra todas as prazas novas que se convoquen.
Mellorou a empregabilidade de 15.000 universitarios, as súas actividades achegaron 1,8 millóns de euros á Universidade e ofreceu 1.300 bolsas en 2011.
Concentraranse este xoves ao mediodía ante o consulado de España na cidade, coincidindo coas protestas que están convocadas este día contra o proxecto do ministro Wert. Critican sobre todo os recortes nas bolsas e no propio programa europeo de intercambio
O pensador bielorruso ofreceu dúas conferencias en Madrid e Barcelona e en breve presentará To Save Everything, click Here, un alegato contra o solucionismo tecnolóxico, a tendencia a pensar que non existe un problema que non teña solución se desenvolvemos unha tecnoloxía o suficientemente innovadora para resolvelo.
A Plataforma en Defensa do Ensino Público comeza unha serie de mobilizacións contra a proposta de reforma educativa por "segregadora, sexista, mercantilista, autoritaria e que profunda na desigualdade".