'Chill', 'PEC', 'evento canónico', 'beef' ou 'hype' son algúns dos termos que recompila o Dicionario Xeración Z, creado polas alumnas Charlotte del Carmen Cramer Correa e Enma Villaverde Castelo e polo alumno Iker Fojo Lago do IES Plurilingüe Aquis Celenis de Caldas de Reis, titorizados pola profesora Iria Mariño Pérez
O pasado venres a Facultade de Filoloxía da USC acolleu un maratón de validación e gravación de fragmentos de voz en galego. Búscase xerar un corpus público que permitirá que distintas aplicacións informáticas poidan comprender as persoas que falen na lingua propia de Galicia.
Trátase dun videoxogo desenvolvido en Vigo que funciona como un instrumento de cribado e, coa axuda da intelixencia artificial, detecta de maneira precoz os signos do deterioro cognitivo antes da aparición de síntomas evidentes de enfermidades como o alzhéimer
Aplicacións de mensaxería e servizos de correo conservan rexistros e copias de seguridade que permanecen alén dun borrado local do propio dispositivo. WhatsApp presume dun cifrado que impide o acceso non autorizado ás mensaxes. No entanto, si que deixa pistas como destinatario, hora, data e situación ou tamaño da mensaxe
Un estudo na revista Aquaculture analiza as percepcións de 59 actores relacionados co sector mexilloeiro e destaca a "grande inquedanza" sobre o futuro do sector, debido principalmente a factores ambientais que afectan á produción do cultivo.
A santiaguesa Ángela Orgaz foi transplantada de pulmón hai menos de tres anos; o ferrolán Abelardo Sánchez leva máis de vinte vivindo cun fígado doutra persoa. Na semana que se conmemora o Día Nacional do Transplante, falamos con ambos sobre as operacións que lles permitiron salvar a vida. Dúas dos dez milleiros dese tipo que se deron xa en Galicia.
Esta madrugada cambia a hora, de xeito que ás dúas, serán as tres. O obxectivo é aproveitar mellor as horas de luz polas tardes, no tempo dedicado ao lecer. Con todo, o cambio estacional de hora recibe moitas críticas polo efecto negativo que ten sobre o organismo nos días posteriores ao cambio. Falamos con Jorge Mira, catedrático da USC, que defende a conveniencia do cambio estacional e pide que se fale deste tema con rigor científico.
Este sábado Galicia vivirá unha eclipse parcial que se poderá ver -se a nubosidade o permite- entre as 10:42 e as 12:39 horas, acadando o seu máximo ao redor das 11:40, momento no que o 40% do Sol ficará oculto. Será o anticipo da eclipse total de Sol do 12 de agosto do vindeiro ano 2026, a primeira na Península Ibérica dende 1912 e que en Galicia non se repetirá en máis de 400 anos. Falamos con Óscar Blanco, presidente da Agrupación Astronómica Ío.
O CSIC presentou este mércores en Ribadavia as tres novas variedades autóctonas, froito do traballo realizado nos últimos anos polo grupo VIOR da Misión Biolóxica de Galicia, e que xa se poden plantar. Os aceites elaborados a partir delas poderán venderse incluíndo o nome da variedade nas etiquetas.
O castiñeiro europeo gosta de climas temperados, frescos e húmidos. É por isto que a actual suba das temperaturas medias está a afectar negativamente a esta especie. Un estudo no que participa persoal investigador da USC anticipa unha tendencia á redución da idoneidade do seu hábitat na Península, desprazándose a espazos máis elevados.