Ciencia e tecnoloxía

A Xunta defende a decisión ante o reducido número de matrículas. Nunha asemblea, un cento de persoas defenden a importancia destes estudos, que "serven como trampolín para a investigación científica de alto nivel". "Cando se comete un erro de país, a responsabilidade é rectificar a tempo. Galicia necesita matemáticas, investigación e futuro. A Consellería aínda pode mudalo", sinala o colectivo mobilizado.

A poboación de gaivotas descendeu un 80% nas últimas dúas décadas en Galicia. As causas ata agoras non quedaban claras, pero un estudo internacional realizado en Portugal, coa participación de percoal investigador do Centro Oceanográfico de Vigo, vén de sinalar o botulismo como causante da síndrome parética que sofren estas aves.

Compostela acolle o 49º Congreso da Sociedade Española de Inmunoloxía Clínica, Alergoloxía e Asma Pediátrica. O 20% dos nenos e nenas galegas sofre este problema, provocado sobre todo polos ácaros do po en zonas húmidas coma a nosa. Os expertos alertan contra os problemas derivados da "esterilización excesiva de ambientes" e o uso de antibióticos sobre todo en idades temperás.

A Asociación de Medios en Galego, Dinahosting e PuntoGal vólvense unir para celebrar o Día das Letras Galegas e o Día de Internet. Todas as persoas que se dean de alta como socias e socios de Praza do 17 ao 31 de maio recibirán o agasallo, valorado en 170 euros, mediante un código que poderán empregar ata o 30 de xuño

Investigadores das universidades de Vigo e Santiago crean unha ferramenta que permite analizar distintas estratexias de control da especie invasora

Os efectos das TIC dependen do uso que se faga delas. Dado que os nosos menores interactuarán coa tecnoloxía ao longo de toda a súa vida, é a nosa responsabilidade proporcionarlles a formación e as ferramentas para que a utilicen de maneira saudable

A expansión das plantación de eucaliptos é o factor principal na diminución da avifauna forestal autóctona no Noroeste da Península Ibérica, destaca o equipo, que analizou nas Fragas do Eume como as características da vexetación afectan á comunidade de aves forestais

'Chill', 'PEC', 'evento canónico', 'beef' ou 'hype' son algúns dos termos que recompila o Dicionario Xeración Z, creado polas alumnas Charlotte del Carmen Cramer Correa e Enma Villaverde Castelo e polo alumno Iker Fojo Lago do IES Plurilingüe Aquis Celenis de Caldas de Reis, titorizados pola profesora Iria Mariño Pérez

O pasado venres a Facultade de Filoloxía da USC acolleu un maratón de validación e gravación de fragmentos de voz en galego. Búscase xerar un corpus público que permitirá que distintas aplicacións informáticas poidan comprender as persoas que falen na lingua propia de Galicia.

Trátase dun videoxogo desenvolvido en Vigo que funciona como un instrumento de cribado e, coa axuda da intelixencia artificial, detecta de maneira precoz os signos do deterioro cognitivo antes da aparición de síntomas evidentes de enfermidades como o alzhéimer

Aplicacións de mensaxería e servizos de correo conservan rexistros e copias de seguridade que permanecen alén dun borrado local do propio dispositivo. WhatsApp presume dun cifrado que impide o acceso non autorizado ás mensaxes. No entanto, si que deixa pistas como destinatario, hora, data e situación ou tamaño da mensaxe