O Goberno galego subvenciona a contratación temporal de 900 desempregados en pequenos concellos logo de que o Estado reducise ao mínimo as transferencias ás autonomías para o mesmo obxectivo. O Executivo xa está a conceder en plena campaña algunha das contratacións.
O novo balance do Banco de España ratifica que as arcas públicas recuperaron apenas 700 millóns dos máis de 9.000 inxectados entre a fusión de Caixanova e Caixa Galicia e o saneamento de Novagalicia Banco, entidade despois vendida por apenas 1.000 millóns.
O prezo do leite galego o pasado xullo caeu por baixo dos 27 céntimos por litro, menos que nos meses previos ás grandes tractoradas de 2015. O sector volve ao vieiro das mobilizacións e a Xunta anuncia unha industria para 2019.
As contratacións do verán baixan o número de desempregados en 2.412 persoas. O país alcanza unha cifra de paro rexistrado menor á que había co regreso do PP á Xunta en 2009, pero perde 52.500 cotizantes e 60.000 activos e a taxa de cobertura xa é dez puntos menor.
ENTREVISTA David Arnoso é o voceiro dun grupo de gandeiros que vén de unirse en Prolega, colectivo de produtores de leite en Galicia. Avoga pola mobilización e por "petar onde hai que petar" e rexeita anuncios e "promesas que quedan en nada". "Xogan co noso voto", di.
A OPL apoia a manifestación de Agromuralla en Lugo, doce meses despois das grandes marchas do sector e a menos dun mes do 25-S. Os sindicatos censuran as medidas europeas para baixar a produción e UUAA promove un boicot a Lactalis, que en Francia cede ante a presión sindical.
A adxudicataria do Ministerio nas residencias militares de Galicia ameaza os seus empregados para que asinen un despedimento procedente para poder cobrar o paro. Pídelles que renuncien á indemnización e aos catro meses que se lles deben e advirte que o Fogasa pagaralles pouco e tarde.
A entidade pública portuguesa concedeu importantes créditos á empresa para a posta en marcha da planta, que resultou un fracaso. O nivel de exposición do banco á debeda da compañía galega é un dos máis elevados
A pesar do crecemento experimentado dende 2014, o número de postos de traballo (uns 980 mil, medidos en xornadas laborais completas) segue por debaixo dos datos de hai 18 anos. A crise económica destruíu máis de 200 mil empregos
O alto tribunal anula a sentenza da Audiencia Nacional que permitira a protección das augas máis achegadas á costa e impedía a futura instalación da eólica offshore. O ditame abre a porta aos muíños de vento nas denominadas "augas interiores".
O número de persoas sen traballo que carecen de protección aumentou en case 20.000 en Galicia desde que Rajoy chegou á Moncloa. Nove de cada dez persoas novas desempregadas atópase desprotexida.
Seis de cada dez persoas en situación de desemprego en Galicia levan á procura de traballo máis dun ano. O paro de longa duración aumentou máis dun 300% no país dende o inicio da crise.