O propietario da empresa láctea responsabiliza o Concello lucense da posible deslocalización da factoría, a cal xa esgrimiu durante a folga gandeira e que, segundo fontes da contorna da empresa, está practicamente decidida.
Coincidindo co 8 de marzo, AGACA publica un informe que pon de relevo a falta de representatividade das mulleres asociadas a cooperativas agroalimentarias. O traballo doméstico e a autopercepción dunha falta de preparación, os motivos.
Os deputados populares opuxéronse a unha proposta do PSdeG-PSOE que demandaba que se establecen excepcións para impedir que as familias do rural queden excluídas da posibilidade de recibir estas axudas.
CIG e UGT amosan en senllos informes que a crise empeorou aínda máis as condicións das traballadoras, que manteñen peores contratos, menores salarios e pensións máis baixas, que se unen a unha situación de "desequilibrio" na atención ás responsabilidades familiares.
O ERE extintivo presentará tres modalidades: para veteranos, maiores de 50 e menores desta idade que queiran ter dereito preferente de reingreso. AGE esixe á Xunta que condicione as axudas públicas a Citröen á permanencia da produción e ao mantemento do emprego.
Ourense, Lugo e Ferrol, segunda, terceira e cuarta urbe de España en porcentaxe de inmobles desocupados. Pontevedra (11ª) e Compostela (14ª) aparecen tamén na parte alta da lista de 109 localidades que forman parte do estudo europeo Urban Audit
Case 1.200 persoas abandonaron as listas do paro en febreiro ao tempo que o emprego se incrementou en máis de 4.600 ao entrar no mercado laboral xente que xa non estaba inscrita no antigo Inem.
Das máis de 289.000 baixas por colocación rexistradas durante 2015, apenas 10.500 tiveron na súa orixe unha oferta de traballo tramitada polo Servizo Público. Nos últimos anos os gobernos galego e español reforzaron o papel das axencias privadas.
Galicia está 20 puntos por baixo da riqueza media por habitante na UE e 15 puntos por tras do obxectivo marcado pola Xunta para o ano 2014. Eurostat calcula que a renda media galega é de 22.000 euros.
A pesar de que o pasado ano a autoestrada incrementou os seus usuarios e usuarias nun 5,5% as súas cifras seguen sendo inferiores ás que rexistraba en 2003. As estradas convencionais paralelas, sobre todo a N-550, melloran os datos da vía de peaxe