Economía

Os sindicatos conmemoran o 10 de marzo, 42 anos despois de que Daniel e Amador fosen asasinados nunha protesta en defensa dos convenios do naval. Hoxe as centrais piden salvar a negociación colectiva e emprego digno nun país e nunha comarca que sofre unha crise histórica.

A traxectoria do fundador de Inditex lábrase agora no mesmo esquema de crecemento e da desfeita ibérica, pero faino ao grande, aproveitándose das gangas de alta gama que a crise situou no mercado para crear un patrimonio inmobiliario de 3.600 millóns de euros.

Enerxía Galega Máis, con sede en Vigo, presenta distintas fórmulas para os consumidores, dende unha tarifa plana eléctrica até a promesa de ofrecer prezos máis baixos acudindo ás poxas de enerxía.

O informe da CIG sobre a situación laboral feminina destaca que a recesión e as políticas laborais do PP obrigaron a marchar de Galicia a máis de 58.000 mozas de entre 15 e 34 anos desde 2008.

O comisario Almunia sinala que dende novembro agarda que o Executivo de Rajoy lle envíe unha documentación adicional imprescindible para que as autoridades europeas estuden o proxecto. O PSdeG acusa o PP de "escudarse" na UE para non construír o dique.

O Bloque logra o apoio do Parlamento para que o Goberno elabore un informe sobre os resultados das súas subvencións aos automóbiles impulsados por electricidade. Só en Citroën Feijóo admitiu unha achega de case 11 millóns de euros.

A metade das paradas galegas sono de longa duración e máis da metade destas levan dous ou máis anos en paro, segundo un informe de CCOO que destaca que as políticas da austeridade e a reforma laboral que "están a provocar un intolerable retroceso na igualdade”.

O desemprego baixa en febreiro en España por vez primeira dende o inicio da crise. Hai 1.949 persoas desempregadas menos e 38.964 afiliadas máis á Seguridade Social. En Galicia hai 1.006 persoas menos en paro.

Máis do 75% do emprego a tempo parcial en Galicia correspóndelle ás mulleres e unha de cada catro ocupadas traballa a media xornada, xeralmente no sector servizos. Consulte o informe sobre o mercado laboral feminino.