Economía

O FROB vende por 1.003 millóns de euros Novagalicia Banco, que foi rescatada con 9.000 millóns en axudas públicas tras o fracaso da fusión que a Xunta avalou

A petroleira confirma a construción de cinco buques en Barreras, pero non asegura o flotel para Navantia, desbota renovar a frota menor en Galicia e nada di dos catorce remolcadores que tamén prometera Feijóo.

A peaxe da autoestrada do Atlántico -e a que une Compostela e Lalín- subirá un 1,85% no vindeiro ano, un incremento superior á inflación e que se debe a un antigo pacto entre Fomento e as concesionarias.

Case o 20% dos fogares de Galicia admiten "non ter unha temperatura suficientemente cálida durante os meses fríos". As familias galegas con ingresos inferiores a 1.000 euros tiveron que aumentar o gasto eléctrico un 57% en apenas catro anos. Mentres, o PP veta no Congreso unha iniciativa para evitar os cortes enerxéticos a persoas sen recursos.

A agricultura e a gandaría ecolóxica manteñen un lento crecemento a pesar da crise, con medio milleiro de empresas e 22,71 millóns de euros de facturación. Falamos con José Antonio Fernández, presidente do Consello Regulador da Agricultura Ecolóxica de Galicia.

O FROB recibe seis ofertas para facerse coa entidade galega. Santander, BBVA e CaixaBank, xunto a Banesco e dous fondos, seguen nunha poxa da que caen dous investidores internacionais e logo dun novo cambio de regras a última hora.

Entrevista con Lourdes Lucía, fundadora de Attac España e unha das autoras do libro Qué hacemos con los bancos: "A banca pública non é unha utopía, é cuestión de vontade política e unha maioría social faraa posible"

O modelo de privatización da entidade galega, criticado por unhas condicións que benefican os grandes grupos estatais e poñen atrancos nas intencións dos fondos internacionais.

Directivos da empresa aproveitan unha mesa redonda celebrada na Escola de Enxeñería Forestal para anunciar que retomarán o proxecto dunha planta biomasa se o complexo se consolida en Lourizán. Afirman que están "traballando duro" para que o Ministerio lle conceda unha prórroga de 75 anos.

Navantia viuse obrigada a embarcar en Vigo o buque australiano Adelaide malia estar a 12 quilómetros do novo porto ferrolán e a 32 de punta Langosteira. A Sociedade Galega de Historia Natural lembra o importante impacto económico e ambiental de ambas construcións.

A factoría de Begano na Coruña, con 360 traballadores, sería unha das catro que cerraría a multinacional, que prevé atender desde Madrid o mercado galego. O comité agarda novas pero recoñece o "temor" ante o duro plan de axuste.