As oenegués galegas iniciaron a pasada semana unha campaña para pedir que os e as contribuíntes marquen o cadro de fins sociais, co que se financian proxectos solidarios. Outras entidades, como Europa Laica, piden que non se escolla ningunha das opcións, pois a Igrexa obtén financiamento por todas as vías.
A Xunta destaca a mellora no indicador de confianza e nas perspectivas económicas das familias galegas, pero obvia os datos que indican que se mantén o número de casas que chegan con dificultades a fin de mes ou que aumentan as que teñen previsto cambiar hábitos para aforrar.
A entidade acláralles aos sindicatos que Bruxelas non permite modificar o axuste previsto, pero "minimizará o impacto". O banco reducirá soldos e xornada para facer menos despedimentos. Os preferentistas piden ao FROB que "desbloquee" a solución que lle ofrece NCG.
O alcalde de Vilar de Santos, Xan Jardón, solicita comparecer na cámara, despois de que a empresa recoñecese facturar 58 mil euros de máis nos últimos cinco anos, un cobro excesivo que podería terse producido noutros municipios e que podería chegar aos oito millóns de euros en toda Galicia. Audio no interior
A Campaña Roupa Limpa vén de presentar o informe Salarios Dignos, que analiza a situación das traballadoras en todo o mundo e o grao de cumprimento por parte das multinacionais das esixencias éticas e legais. Varias compañias, entre elas Inditex, melloran o trato, pero queda moito camiño por percorrer.
O Goberno galego xustifica a presenza da directora de Turismo de Galicia nun acto no que xurou "fidelidade" aos caldos de La Rioja. O evento, organizado pola Denominación de Orixe riojana, tiña como obxectivo que estes viños "sigan liderando" o mercado galego.
O paro rexistrado en Galicia descende en 3.608 persoas en marzo e sitúase en máis de 276.000 persoas, das que preto de 130.000 non teñen ningún tipo de cobertura, que só abrangue o 58,7% dos desempregados.
O Foro Económico de Galicia advirte que, malia que a recesión rematou, os efectos da crise non marcharán se o país non prioriza as iniciativas económicas e se non aposta forte pola I+D+i, onde é das autonomías que menos inviste e que máis recorta.
O PIB galego caeu unha décima máis do previsto pola Xunta e o país rematou o exercicio económico cunha recesión do 1%.
A manifestación, convocada polos comités de empresa de Navantia en Ferrol e Fene, rematou na Praza de Armas, onde Germán Castro, ex director do Diario de Ferrol, leu un manifesto que reclamou carga de traballo para o sector naval.