A petroleira elixe a oferta de Barreras e Navantia logo de cinco atrasos e once meses despois da data de inicio de corte de chapa que anunciara Feijóo. A construción dará traballo durante máis de dous anos a unha quinta parte dos operarios do estaleiro ferrolán.
A administración galega era a sexta autonomía con máis déficit en novembro e superaba en dúas centésimas o obxectivo anual
O fallo obriga a Garavilla a reabrir a planta de Vilaxoán, pero a compañía négase a facelo e realizou unha contraoferta pola que o tempo de desprazamento ao Grove sería contabilizado dentro da xornada laboral.
O consenso acadado coas autonomías inclúe o de evitar detallar agora a creación das rexións agronómicas, das que dependerá a repartición dos fondos. Os sindicatos advirten de que os gandeiros poden perder ata o 35% dos cartos segundo a zona na que os encadren.
Desde que o PP recuperou o goberno en 2009, hai 164.000 ocupados menos, incrementouse en vinte puntos a taxa de desemprego xuvenil e dobrouse o número de fogares no que todos os seus membros activos están parados.
Os datos da EPA coñecidos esta semana confirman a urbe departamental como a cidade galega que máis está a sufrir a crise económica, con máis desemprego que calquera outra e unha taxa de ocupación de só o 30,1%, quince puntos por debaixo de Vigo.
A Asociación de Espacios de Coworking organiza este venres e sábado os Coworking Days, un evento de encontro e debate que acolle Magma Espacio, unha plataforma de traballo que botou a andar hai uns meses.
Fronte ao descenso de usuarios que vén experimentando a custosa autoestrada de peaxe (un 7% menos o pasado ano e un 25% dende 2007), a N-550 incrementou o seu tráfico ao longo do 2013 até nun 8,5% nalgúns puntos, sobre todo na provincia de Pontevedra.
A Xunta autoriza os tres primeiros parques do seu concurso e cre "positivo" o balance do plano eólico malia que con el prevía crear 14.000 empregos. O Goberno flexibiliza os avais e evita as penalizacións para as firmas que se desprendan do adxudicado.
En 2013 circularon pola autoestrada galega 20.156 vehículos cada mes fronte aos 27.029 de 2007, un 25,4%. Neste tempo o prezo da peaxe encareceuse un 28% e viaxar de Ferrol a Tui xa custa máis de vinte euros.
O país perdeu 38.200 traballos en 2013 e conta con 400 parados máis que hai un ano. O desemprego sobe mentres descende no conxunto do Estado e o número de ocupados cae tamén en case 20.000 persoas no último trimestre.