Alternativa Galega de Esquerda irrompe con forza no Parlamento malia a súa escasa traxectoria. O 'factor Beiras' e a agrupación do voto descontento coa forma de facer política foron as claves dunha coalición que non existía hai sete semanas e que se fixo forte nas cidades.
Cinco das sete cidades poderían ter gobernos de coalicións de esquerdas tras unhas municipais cun escrutinio como das autonómicas. O PSdeG podería encabezar seis deses equipos e AGE, un.
Os xornais son unánimes hoxe ao destacar a incontestable vitoria dos populares en Galicia e en sinalar a lectura de ratificación dos recortes que realiza o PP.
Os populares suman 45 de cada 100 votos, un punto menos que en 2009 cunha caida de 135 mil votos. Bloque e socialistas perden case a metade dos seus apoios. Crece a abstención en seis puntos e medio, ao redor de 150 mil persoas, e duplícanse os votos brancos e nulos.
Os populares empeoran resultados na Coruña, Santiago, Vigo e Pontevedra, mentres se manteñen en Ferrol, Lugo e Ourense. A formación liderada por Beiras foi a segunda forza na urbe herculina e Compostela e quedou a escasos votos do PSdeG na cidade departamental.
O líder popular evita a euforia tras sumar tres deputados e subliña que "non é habitual" que se produza un triunfo coma o do seu partido en plena crise
"Se Feijóo pensa que por renovar a maioría no Parlamento os cidadáns van estar máis mansos que as vacas, está trabucado", dixo o líder de Alternativa Galega de Esquerdas que culpa da maioría absoluta do PP ao desgaste da oposición parlamentaria.
O candidato nacionalista asume o "revés electoral" e cre que aos populares saíulle ben a "estratexia" de "retroalimentar" Alternativa Galega de Esquerda. "Os mellores resultados de Beiras sempre coincidiron cos mellores resultados do PP".
O candidato socialista pon o cargo a disposición do partido tras "felicitar" o PP pola súa "ampla" maioría e destacar que asumiu o mal resultado "con serenidade".
Os populares obteñen tres deputados máis pero perden 136 mil votos. O PSdeG-PSOE é o gran derrotado destas eleccións e perde un de cada tres votos e sete escanos. Alternativa Galega de Esquerdas supera o BNG e chega aos 9 deputados, dous máis que o Bloque.
Os dous inquéritos a pé de urna vaticinan unha clara vitoria dos populares, que revalidarían o poder na Xunta, e unha forte irrupción da Alternativa Galega de Esquerda, que podería superar o BNG, que perdería apoios. O PSdeG tamén caería entre cinco e sete escanos.