"Despois das críticas electoralistas, a oposición xa cre no Plan Galicia", mantiña Feijóo como conselleiro en agosto de 2003, cando augurou o remate do eixo atlántico de alta velocidade para 2007 (foi en 2015) e a conexión coa Meseta para 2010 (foi en 2021). Nos lustros posteriores culpou a PSOE e BNG dos incumprimentos
Este xoves o Porto Exterior recibiu o seu primeiro petroleiro e este venres o presidente de Repsol, Antonio Brufau, e o da Xunta, Alfonso Rueda, inauguraron a nova terminal da compañía en Punta Lagosteira. Este tipo de buques deixan de atracar no peirao de San Diego, que aínda xestionará durante catro anos barcos de menores dimensións con produtos refinados (gasolina, diésel ou fueloil) procedentes da refinaría
O 23 de febreiro de 2003 o mar chegou a Madrid. Levárono as decenas de milleiros de galegos e galegas que se desprazaron á capital do Estado para berrar coa Plataforma Nunca Máis nunha marcha comandada polos integrantes da Burla Negra. Falamos con Miguel de Lira e Xesús Ron
Este martes inaugúrase no Auditorio de Galicia a exposición 'Sempre Máis. Arte, ecoloxía e protesta na Galiza do Prestige', realizada por Unha Gran Burla Negra e comisariada por Germán Labrador. A mostra "non quere nostalxia nin celebración. Non quere dicir 'contra Fraga protestabamos mellor'" senón "resintonizar coas potencias dunha Galicia creadora", destacan
O 22 de xaneiro de 2003 preto de 50 mil alumnos e alumnas de centros de ensino de toda Galicia, convocados polo colectivo de docentes Area Negra, formaron unha cadea entre Laxe e Muxía, cubrindo máis de 40 quilómetros no litoral máis afectado pola marea negra do Prestige. Fixérono a pesar das manobras da Consellaría de Educación, que tentou evitar que os autobuses transportasen o alumnado. Falamos con Puri Cabido e Carlos Fernández Concheiro
Este 31 de decembro finalizamos as actualizacións da conta de Twitter Prestige 20 anos, que dende o pasado 13 de novembro vén relatando en falso directo os feitos que no ano 2002 se foron sucedendo dende o accidente do petroleiro, dende a xestión política da crise á reacción social posterior
O PP agarrouse ao mantemento dos seus resultados na Costa da Morte para expoñer que a cidadanía avalara a súa xestión da catástrofe, pero Galicia estaba a vivir un cambio de ciclo que se confirmou dous anos despois. Os populares baixaron catro puntos no país e perderon parte do seu poder municipal, mentres que no resto do Estado mantiveron o apoio acadado catro anos antes.
O fuel procede previsiblemente da fuga de 150 toneladas de hidrocarburos que o pasado domingo se produciu no barco de bandeira chipriota Vermeer. A Plataforma en Defensa da Ría de Arousa sinala que "20 anos despois do Prestige non parece razonable que as administracións non poidan atender un aviso por vertidos dun buque e retiralo do mar"
O deputado Néstor Rego advirte no Congreso de que, segundo cálculos de Adega, quedan sen tratar unhas 10.000 toneladas de refugallos do chapapote mesturado con outros materiais. Na mesma xornada, Ana Pontón chama a manifestarse este domingo co Bloque fronte á crise de prezos e defende como "de sentido común" abordar "o descontrol de prezos" con medidas temporais como "IVE cero para os produtos básicos da cesta da compra"
