Sánchez e Biden pactan incrementar a presenza militar dos EUA nunha das súas bases en España. O presidente do Goberno de España recibiu o mandatario estadounidense na Moncloa como parte do programa previo á cimeira da OTAN que se celebra en Madrid. [Imaxe: © Pool Moncloa/Fernando Calvo]
A Universidade de Santiago concede a Xosé Manuel Beiras o premio Luis Porteiro Garea polo seu "labor activo a prol da lingua galega" na súa faceta de profesor, catedrático e decano na propia USC. O xurado do galardón, outorgado por unanimidade, destaca tamén de Beiras "o seu compromiso co idioma galego na súa dilatada traxectoria de intervención na vida política do noso país", primeiro no PSG e posteriormente, no BNG e mais en Anova e AGE. [Imaxe: © Clara Coira / USC]
Escocia fará un referendo consultivo de independencia o 19 de outubro de 2023. A ministra principal, Nicola Sturgeon, anunciou este martes a convocatoria desa consulta na súa comparecencia no Parlamento autónomo coa mesma pregunta que a realizada en 2014 e di que será "legal e constitucional".
Traballadoras temporais das residencias de maiores de Galicia reclaman cambios nas súas condicións: "Non podemos máis". Solicitan unha reunión co presidente da Xunta para expoñerlle as súas demandas. Foto: CC BY-NC-NC Banc d'Imatges Infermeres.
A plataforma de vítimas de Angrois reclama ao Supremo a nova investigación técnica do accidente que vén demandando a UE. A Comisión de Investigación de Accidentes Ferroviarios (CIAF) vén negándose a facela e un tribunal condenouna a simplemente contestar a petición das vítimas, pero estas recorren agora en casación ao Supremo para que a xustiza obrigue a que a resposta sexa positiva.
A Fiscalía apoia o procesamento de Iberdrola que ditou a Audiencia Nacional por manipular as súas centrais hidroeléctricas no Sil e outros ríos para inflar os prezos da electricidade. No seu escrito de acusación, o Ministerio Público ve constatado que a eléctrica creou un "artificio" para inchar prezos e apoia xulgar a propia empresa e catro dos seus directivos. Na imaxe, o presidente de Iberdrola, Sánchez Galán, con Feijóo e o actual vicepresidente Conde nunha das centrais da empresa no Sil, no propio ano 2013.
O Consello de Ministros aproba o anteproxecto da lei para a igualdade real e efectiva das persoas trans e a garantía dos derechos das personas LGBTI, a coñecida como lei trans, que agora inicia trámite parlamentario. Entre as medidas incluídas na nova norma, destaca o Ministerio de Igualdade, inclúense un novo proceso para a "rectificación da mención relativa ao sexo" sen requisitos médicos ou a prohibición de "calquera método, programa ou terapia (...) destinada a modificar a orientación ou identidade sexual".
Seguimento total na primeira xornada de folga na conserveira Albo, en Celeiro, logo de que a propietaria anunciase o peche da fábrica e propuxese o traslado de todo o persoal ás súas instalacións en Salvaterra. As traballadoras piden que se manteña o emprego e a produción na Mariña.
O DOG publica os importes das subvencións da Xunta que recibiron as forzas políticas con representación parlamentaria durante o ano 2021 para gastos de funcionamento. Estas achegas están reguladas por unha lei do ano 2015 e son outorgadas en función do número de escanos e votos obtidos nas últimas eleccións galegas (neste caso, as de 2020).
Ecoloxistas en Acción levará a cabo unha Ecomarcha ciclista entre o 9 e o 24 de xullo, 15 días nos que 200 persoas irán percorrendo lugares ambientalmente agredidos para apoiar os colectivos veciñais que loitan "pola súa recuperación e o cese do desastre ecolóxico". Así, a marcha partirá de Pontevedra, onde se sumará a demanda social de “ENCE fóra da Ría”, e pasará polas minas de San Finx, en Lousame, ou polas zonas máis afectadas polo Prestige, 20 anos despois do desastre.
