Fálase

Morre aos 84 anos de idade Senén Pousa, que foi alcalde de Beade durante case medio século, entre 1974 e 2023, o que o converteu no rexedor máis lonxevo de Galicia e o derradeiro mandatario municipal que se mantiña no cargo dende a ditadura franquista, réxime sobre o que expresou ata os últimos anos a súa proximidade, recoñecéndose como "franquista" e afirmando que o ditador "fixo cousas boas e malas, como todo o mundo". Nos comicios municipais do pasado mes de maio o PP cambiou o seu candidato en Beade, co que mantivo o goberno local, e Senén Pousa optou por presentarse como independente, obtendo a súa acta de concelleiro.

O DOG publica os dous festivos de carácter local que haberá en 2024 en cada concello galego, e que se suman aos 12 festivos de carácter autonómico ou estatal xa confirmados previamente.

• 👉 AMPLIAMOS |  Estes son os festivos locais para o 2024. Consulta o do teu concello

Morre con 83 anos a pintora Aurora Pereira, muller de Xosé Manuel Beiras. Filla dun mestre represaliado, foi discípula de Carlos Maside. [Imaxe: C.C. Marcos Valcárcel]

• 👉 OBITUARIO | Morre aos 83 anos a pintora Aurichu Pereira, a sensibilidade e o compromiso

A Xunta eleva a vermella a alerta na costa por temporal. No litoral da Coruña prevé ondas de ata 9 metros e vento de forza 8 e localmente forza 9. No resto do país hai outras alertas de menor intensidade por vento ou choiva.

Entran en vigor as novas condicións do servizo de salvamento marítimo con helicópteros da Xunta, que seguirá asumindo a mesma empresa pero con novos aparatos.

• 12 anos despois de velos "obsoletos" a Xunta 'renova' os helicópteros de salvamento, que tamén loitarán contra incendios

Sanidade anuncia a creación de máis de 1.700 prazas estruturais en 2024, cunha partida de 60 millóns. Así o dixo o conselleiro, Julio García Comesaña, que detallou que serán máis de 200 prazas de médico, máis de 700 de enfermería e máis dun cento de celadores. 

A Xunta activa para este mércores a alerta laranxa por temporal costeiro e por vento en todo o litoral galego. O vento en terra poderá acadar os 100 quilómetros por hora en toda a provincia da Coruña, na Mariña lucense, centro e montaña de Lugo, na montaña de Ourense e no interior de Pontevedra. Ademais, estará activa a alerta amarela en practicamente toda Galicia por precipitacións acumuladas de máis de 40 milímetros en 12 horas.

Rescatados catro mariñeiros cuxo pesqueiro afundiu fronte a Monte Louro, en Muros, e que lograron poñerse a salvo nunhas rochas. Salvamento Marítimo divulgou un vídeo da operación. 

O número tres do PSOE reúnese en Bruxelas con Puigdemont. Santos Cerdán, secretario de Organización dos socialistas, mantivo un encontro co ex-president da Generalitat e líder de Junts.

CCOO esixe que as sete novas residencias de maiores sexan "de xestión pública directa e dotadas de persoal público". O sindicato critica que "estas cuestións non quedaron aseguradas" no acto de entrega á da nova residencia de Santiago.

• A promesa de Feijóo dunha nova residencia de maiores en cada cidade tarda sete anos en cumprirse só en dúas urbes