'Salvemos O Iribio' precinta simbolicamente as máquinas de Fergo Galicia Vento nas obras de construción dun parque eólico nesta serra do Courel e demándalle á Xunta a paralización dos traballos. A plataforma denuncia a "ilegalidade" da instalación de novos parques en zonas de Rede Natura 2000.
O Pescados Rubén de Burela gañou en Milán o trofeo 4 Nations Futsal, que enfronta ás campioas de copa de España, Italia, Ucraína e Rusia. As guerreiras laranxas derrotaron na final ás italianas do Kick Off por 8 a 3. O equipo suma un novo trofeo aos conquistados nos últimos anos
Chega setembro e A Mesa estrea o vídeo da canción de Magín Blanco Os meses do ano, a partir das ilustracións de Xulia Vicente para O tempo cronolóxico
Cantos na Maré celebrará o seu 15 aniversario os días 13, 14 e 15 de setembro en Pontevedra cunha programación na que destacan Mayra Andrade, Enredadas, Clara Peya, Maria João, Antón Reixa, Bia Ferreira ou Assa Matusse, e que inclúe ducias de concertos no Teatro Principal, no Pazo da Cultura e na Praza da Pedreira
Seguridade Alimentaria activa unha alerta sanitaria por toxina botulínica no atún en aceite de xirasol de DIA. O produto, distribuído fóra de Galicia, foi elaborado en Frinsa del Noroeste S.A., con sede en Ribeira.
Defende A Galega mobilízase no #VenresNegro67CRTVG denunciando que "non hai avances" logo de 67 semanas de protesta. O persoal mobilizado advirte de que o verán nos medios públicos foi "de refritos, constantes redifusións, departamentos baleiros, programas fallidos e máis desmantelamento" e piden que a xente se "sume ao negro".
Falece Rosario Albán, fundadora do Centro de Estudos da Língua e Cultura Galegas na Universidade Federal da Bahia. A Asociación Internacional de Estudos Galegos amosou o seu "fondo pesar" nun comunicado.
A Garda Civil intercepta un condutor que non respectou as restricións por néboa na A-8 ao seu paso por Mondoñedo. A vía estivo pechada desde o mediodía deste xoves ata a mañá deste venres, cando seguiu con limitacións de velocidade por falta de visibilidade, unha situación que se produce en plena operación retorno de agosto.
A Xunta publica no DOG a autorización definitiva a Erimsa para extraer cuarzo dunhas 200 hectáreas de uso agrícola en Mesía. O permiso ambiental, avanzado hai dous meses por este diario, establece que a empresa só poderá explotar leiras cuxos propietarios llas aluguen de xeito voluntario e obriga a devolvelas “listas para o seu uso agrario” no ano seguinte.
Té con Gotas analiza de urxencia no seu podcast a suspensión do Parlamento no Reino Unido tras aceptar a raíña a petición de Boris Johnson.
