A Muralla de Lugo tínxese de lila para simbolizar a acollida á manifestación feminista unitaria do vindeiro 3 de marzo, que este ano se celebra na cidade. O Concello lucense prepara diversos actos para acompañar a mobilización dos movementos feministas previa ao 8M. Na imaxe, a alcaldesa de Lugo, Lara Méndez, e outros membros do goberno e da corporación municipal.
Os laboristas apoiarán a convocatoria dun segundo referendo sobre o Brexit se é rexeitada a súa emenda sobre a unión aduaneira. Así o acaba de anunciar o seu líder, Jeremy Corbyn. Foto CC-BY-SA Sophie Brown.
A ex-voceira do goberno do PP na Deputación de Ourense confirma a súa fichaxe por Ciudadanos como líder local do partido en Xinzo. Montse Lama , que dimitiu a pasada semana de todos os seus cargos na Deputación ourensá e no concello limiao, asegura que se incorpora ao partido de Rivera porque racha coas "políticas conservadoras" e "sectarias". Na imaxe, Lama na súa etapa como voceira do goberno de Baltar.
Falece Esther Pita, alcaldesa de Oleiros de 1997 a 2003 e unha das fundadoras de Alternativa dos Veciños, formación que segue a gobernar a localidade
Pedro Sánchez visita en Francia as tumbas de Manuel Azaña e Antonio Machado como homenaxe a ambos persoeiros falecidos no exilio.
Polémica en Portugal pola suposta presenza dun oso na Serra do Barroso, veciña do concello ourensán de Baltar, 150 quilómetros ao suroeste da poboación estable coñecida máis próxima desa especie, nos Ancares. O oso pardo desapareceu de Portugal, do Gerês, hai máis de século e medio e nos últimos anos só foi detectado fóra da zona dos Ancares puntualmente no Courel.
O Goberno central busca cumprir por decreto unha das súas grandes apostas e elevar o permiso de paternidade a 16 semanas
A plataforma Galiza, un futuro sen carbón cualifica como "pouco ambicioso" o plan contra o cambio climático presentado este venres polo Goberno central. O programa adiaría o peche da central térmica das Pontes ata 2030. A plataforma reclama a clausura desta instalación no ano 2025.
O Supremo avala a anulación en 2016 por parte do TSXG, a petición de Galicia Bilingüe, de parte da ordenanza de uso do galego no Concello de Lugo. O alto tribunal, en contra do recorrido polo Concello, considera que aquela primeira sentenza estaba argumentada cando considerou que a ordenanza daba de lado o castelán.
Vox pide ao Parlamento andaluz os nomes dos funcionarios que avalían os casos de violencia machista. O portavoz da formación nesa Cámara, o xuíz Francisco Serrano, quere “depurar” aos traballadores polos seus “motivos ideolóxicos”.
