Fálase

O Instituto galego de análise e documentación internacional (IGADI) emite este mércores 7 de xaneiro un programa especial como peche do Ano Castelao, coincidindo co 76º cabodano do intelectual, artista e político de Rianxo. A emisión realizarase en directo a partir das 18.45 horas a través do canal do IGADI TV en conexión con Bos Aires. 

Ademais, a entidade vén de compartir unha publicación especial, 2025, Ano Castelao, Río da Prata quilómetro Cero, que reúne as entrevistas, análises e artigos elaborados polo Observatorio das Diásporas no último ano. 

Catro estradas afectadas por xeo e neve en Galicia, todas na provincia de Ourense. O uso obrigado de cadeas ou a restrición temporal de velocidade dáse na A-52 que une a capital provincial con Zamora e noutras vías en Manzaneda, Casaio, Covelo e A Veiga. Foto: DGT. 

Trump asegura que Venezuela entregaralle aos EUA ata 50 millóns de barrís de petróleo, un cargamento que se achegará aos 2.800 millóns de dólares, e exixe ao goberno de Delcy Rodríguez que rompa relacións con China e Rusia. 

Nicolás Maduro declárase "inocente" de todos os cargos ante o tribunal de Nova York, asegura que foi "secuestrado" e que as acusacións polas que vai ser xulgado pretenden tapar os "plans imperialistas" do goberno dos EUA, liderado por Donald Trump. "Sigo sendo o presidente do meu país", afirma Maduro [na imaxe, nunha intervención pública o 16 de decembro © Goberno de Venezuela].

• ENTREVISTA | Roberto Mansilla: "Non descarto algún episodio de confrontación interna en Venezuela ante a tutela que quere exercer Trump"
• Delcy Rodríguez asume o liderado de Venezuela e reivindica a soberanía do país e dos seus recursos

Segue en directo a reunión de emerxencia do Consello de Seguridade da ONU. Nacións Unidas convocou para este 5 de xaneiro un encontro urxente dende Nova York, para abordar a situación de Venezuela tras a interveción dos Estados Unidos de América. O secretario xeral da ONU, António Guterres, trasladou a súa preocupación pola vulneración do dereito internacional ante a agresión do goberno de Trump a Venezuela e o secuestro do seu presidente Nicolás Maduro. [📸 imaxe de arquivo do Consello de Seguridade © ONU/Loey Felipe]

• ENTREVISTA | Roberto Mansilla: "Non descarto algún episodio de confrontación interna en Venezuela ante a tutela que quere exercer Trump"
• Delcy Rodríguez asume o liderado de Venezuela e reivindica a soberanía do país e dos seus recursos

O cemiterio compostelán de Boisaca acolleu senllas homenaxes a Isaac Díaz Pardo e Ramón María del Valle-Inclán, finados o 5 de xaneiro de 2012 e 1936, respectivamente. A alcaldesa de Santiago, Goretti Sanmartín, destacou a "honestidade" de Díaz Pardo e o seu "compromiso coa cultura, a memoria e o país".

• 'Unha cesta de pombas e mazás' para Isaac no seu primeiro cabodano
• Unha ducia de proxectos de Isaac Díaz Pardo

A Asociación AGABO e as integradas no Capítulo Galego da Internacional Antifascista convocan unha manifestación en repulsa polo ataque militar dos Estados Unidos contra Venezuela e o secuestro do presidente Nicolás Maduro e a súa dona. A marcha terá lugar o sábado 10 de xaneiro en Compostela (12 horas, saída dende a Alameda) baixo o lema Alto á agresión ianque contra Venezuela, pola paz e soberanía dos pobos. Entre os convocantes figuran BNG, Podemos, CIG e CUT.

España, Brasil, México, Colombia, Chile e Uruguai publican un comunicado conxunto no que rexeitan "as accións militares executadas unilateralmente en Venezuela", que "contraveñen principios fundamentais do dereito internacional". O documento destaca que a situación debe resolverse "con respecto á vontade do pobo venezolano" e "sen inxerencias externas". Así mesmo, os seis países manifestan a súa "preocupación ante calquera intento de control gobernamental, de administración ou apropiación externa de recursos naturais ou estratéxicos". 

O Comité Provincial do PSdeG-PSOE de Lugo ratificou a decisión de propoñer a deputada provincial María del Carmen López Moreno como candidata socialista á Presidencia da Deputación de Lugo, en substitución de José Tomé.

• Besteiro reivindica "contundencia" do PSdeG co acoso sexual fronte ás críticas polo 'caso Tomé'
• A permanencia de Tomé faino imprescindible na Deputación de Lugo e clave cara a 2027

Unha concentración ante o consulado de Venezuela en Vigo protestou contra o ataque militar realizado polos Estados Unidos e o secuestro do presidente Nicolás Maduro. A mobilización en solidariedade co pobo venezolano foi convocada por AGABO. Imaxe: BNG