Fálase

Segue en directo a reunión de emerxencia do Consello de Seguridade da ONU. Nacións Unidas convocou para este 5 de xaneiro un encontro urxente dende Nova York, para abordar a situación de Venezuela tras a interveción dos Estados Unidos de América. O secretario xeral da ONU, António Guterres, trasladou a súa preocupación pola vulneración do dereito internacional ante a agresión do goberno de Trump a Venezuela e o secuestro do seu presidente Nicolás Maduro. [📸 imaxe de arquivo do Consello de Seguridade © ONU/Loey Felipe]

• ENTREVISTA | Roberto Mansilla: "Non descarto algún episodio de confrontación interna en Venezuela ante a tutela que quere exercer Trump"
• Delcy Rodríguez asume o liderado de Venezuela e reivindica a soberanía do país e dos seus recursos

O cemiterio compostelán de Boisaca acolleu senllas homenaxes a Isaac Díaz Pardo e Ramón María del Valle-Inclán, finados o 5 de xaneiro de 2012 e 1936, respectivamente. A alcaldesa de Santiago, Goretti Sanmartín, destacou a "honestidade" de Díaz Pardo e o seu "compromiso coa cultura, a memoria e o país".

• 'Unha cesta de pombas e mazás' para Isaac no seu primeiro cabodano
• Unha ducia de proxectos de Isaac Díaz Pardo

A Asociación AGABO e as integradas no Capítulo Galego da Internacional Antifascista convocan unha manifestación en repulsa polo ataque militar dos Estados Unidos contra Venezuela e o secuestro do presidente Nicolás Maduro e a súa dona. A marcha terá lugar o sábado 10 de xaneiro en Compostela (12 horas, saída dende a Alameda) baixo o lema Alto á agresión ianque contra Venezuela, pola paz e soberanía dos pobos. Entre os convocantes figuran BNG, Podemos, CIG e CUT.

España, Brasil, México, Colombia, Chile e Uruguai publican un comunicado conxunto no que rexeitan "as accións militares executadas unilateralmente en Venezuela", que "contraveñen principios fundamentais do dereito internacional". O documento destaca que a situación debe resolverse "con respecto á vontade do pobo venezolano" e "sen inxerencias externas". Así mesmo, os seis países manifestan a súa "preocupación ante calquera intento de control gobernamental, de administración ou apropiación externa de recursos naturais ou estratéxicos". 

O Comité Provincial do PSdeG-PSOE de Lugo ratificou a decisión de propoñer a deputada provincial María del Carmen López Moreno como candidata socialista á Presidencia da Deputación de Lugo, en substitución de José Tomé.

• Besteiro reivindica "contundencia" do PSdeG co acoso sexual fronte ás críticas polo 'caso Tomé'
• A permanencia de Tomé faino imprescindible na Deputación de Lugo e clave cara a 2027

Unha concentración ante o consulado de Venezuela en Vigo protestou contra o ataque militar realizado polos Estados Unidos e o secuestro do presidente Nicolás Maduro. A mobilización en solidariedade co pobo venezolano foi convocada por AGABO. Imaxe: BNG

Donald Trump publica na súa rede social Truth  unha imaxe de Nicolás Maduro secuestrado e esposado.

• Estados Unidos bombardea Venezuela e Trump anuncia que secuestrou a Maduro
• ENTREVISTA | "Puido haber negociacións para acordar a saída de Maduro e unha nova situación de poder en Venezuela"

Donald Trump ofrece unha rolda de prensa dende a súa residencia privada en Florida para dar detalles sobre o ataque militar contra Venezuela e o secuestro do presidente Nicolás Maduro e a súa dona. Podes seguir aquí a súa intervención.

• Estados Unidos bombardea Venezuela e Trump anuncia que secuestrou a Maduro
• ENTREVISTA | "Puido haber negociacións para acordar a saída de Maduro e unha nova situación de poder en Venezuela"

Venezuela denuncia unha "agresión militar de EUA" e declara estado de conmoción exterior. Trump tería ordenado ataques dentro do país, entre eles algúns dirixidos contra obxectivos militares, segundo a CBS. Pódese seguir aquí a emisión en directo de Telesur. Imaxe: Telesur

As mensaxes de WhatsApp de Feijóo a Mazón durante as riadas de València incídenlle na importancia da estratexia de comunicación. Se as mensaxes de Mazón ao líder do PP revelaron hai uns días que este nunca estivo informado "en tempo real", como asegurara, as que transcorreron en sentido contrario, agora reclamadas pola xuíza, evidencian a un Feijóo preocupado pola comunicación e posibles erros do Goberno de Sánchez. 

• HEMEROTECA (2024) | Devolverlle o do Prestige á esquerda
• HEMEROTECA (2024) | Politizar
• HEMEROTECA (2024) | As riadas máis mortais de Europa neste século superan xa as 200 vítimas en València