Venezuela denuncia unha "agresión militar de EUA" e declara estado de conmoción exterior. Trump tería ordenado ataques dentro do país, entre eles algúns dirixidos contra obxectivos militares, segundo a CBS. Pódese seguir aquí a emisión en directo de Telesur. Imaxe: Telesur
As mensaxes de WhatsApp de Feijóo a Mazón durante as riadas de València incídenlle na importancia da estratexia de comunicación. Se as mensaxes de Mazón ao líder do PP revelaron hai uns días que este nunca estivo informado "en tempo real", como asegurara, as que transcorreron en sentido contrario, agora reclamadas pola xuíza, evidencian a un Feijóo preocupado pola comunicación e posibles erros do Goberno de Sánchez.
A patronal galega carga contra a suba das peaxes da AP-9 e advirte de que a concesión xa está "totalmente rendibilizada". A Confederación de Empresarios de Galicia (CEG) asegura que a súa valoración sobre o incremento do importe é "evidentemente negativa".
Un mapa permite coñecer en tempo real as balizas V16 activas que advirten dun vehículo parado na estrada. O dispositivo é obrigratorio desde este pasado 1 de xaneiro e substitúe os triángulos de sinalización.
O audiovisual chora a morte de Miguel Insua, actor galego que debutou no cine en Sempre Xonxa e que participou en filmes como Sinbad, Magical Girl ou Antes de Nós e en series como Serramoura, Lobos&cordeiros, La Unidad ou Cuéntame. Natural de Valdoviño, faleceu aos 64 anos o pasado 30 de decembro.
Coral Conde Cid, de 2,9 quilos de peso, foi a primeira galega de 2026, en Ourense, onde naceu xusto na medianoite do 31 ao 1. A segunda en nacer, pasados 38 minutos do día 1, foi Valeria, en Vigo, e o terceiro Lucan, no Hospital da Mariña, uns minutos despois. [Foto: Xunta]
🎄Este 1 de xaneiro Praza.gal non se actualiza por descanso do persoal
🤗 O venres 2 seguimos convosco, Feliz 2026!
A Xunta publica o reparto das súas axudas a empresas xornalísticas e de radiodifusión en 2025. Suman 1,98 millóns de euros e distribúense entre nove empresas editoras de xornais impresos, 16 de publicacións dixitais e oito propietarias de emisoras radiofónicas. As condicións mantidas pola Secretaría Xeral de Medios nestas convocatorias, con acceso prohibido para entidades sen ánimo de lucro, impiden que participe delas a Fundación Praza Pública, editora de Praza.gal e VINTE, con independencia do cumprimento de requisitos en materia de persoal ou uso do galego, entre outros. Preme nesta ligazón para explorares o gráfico interactivo.
José Tomé fai efectiva a súa dimisión como presidente da Deputación de Lugo coa preceptiva comunicación do cesamento ao pleno. Tras esa sesión extraordinaria, a institución lucense celebra outra ordinaria xa dirixida polo nacionalista Efrén Castro como presidente en funcións, cargo que exercerá ata que, o 14 de xaneiro, sexa elixida a nova presidencia. Na súa despedida do posto Tomé, que continúa como deputado, reiterou que as acusacións de acoso sexual responden a "unha campaña" con intencións políticas "supraprovinciais" na que todos os feitos que lle atribúen son "falsos". Na imaxe, inicio do pleno con Tomé xa no escano de deputado e non de presidente.
Unha comisión de festas de Carnota recada fondos en solidariedade coa da localidade leonesa de Villamanín, logo de que vendesen participacións de máis que impiden o cobro de catro millóns de euros do Gordo da Lotaría de Nadal.
