O ministro Ábalos presenta en Lugo o proxecto da futura estación intermodal da cidade e sitúa o horizonte do inicio das obras en 2020. O Goberno local aplaude a iniciativa, mentres que a Xunta carga contra o Executivo central por considerar a presentación "electoralista" e asegurar que non coñeceu o proxecto ata a pasada fin de semana.
Fálase
Media Galicia estará de festa este Martes de Entroido, festivo local en 155 concellos, entre eles Ourense, Lugo e A Coruña. Seis localidades escolleron o Luns de Entroido como non laborable 13 optaron polo Mércores de Cinsa. En total 173 concellos incluíron estas festividades no seu calendario, algo menos que o pasado ano.
Pedro Sánchez asina o decreto de disolución das Cortes e convocatoria das eleccións xerais do 28 de abril, que sairá publicado e entrará en vigor este martes.
As inscricións nas oficinas de emprego descenderon en 1.091 persoas en febreiro en Galicia, ata as 173.709. Son 14.498 menos que hai un ano. No mesmo mes o número de afiliacións á Seguridade Social aumentaron en 4.940 e quedan en 997.311, un incremento interanual de 18.822 persoas a traballar. Máis información, hoxe en Praza.
Un incendio xa extinguido queima 25 hectáreas no Vicedo. No que vai de ano arderon nos montes galegos máis de 800 hectáreas, cifra que é aproximada porque a Xunta non revela a totalidade dos incendios que acontecen. (Imaxe: Brigada de Marroxo)
Núñez Feijóo afirma que o 8 de marzo cada muller "ten o dereito de reivindicar a igualdade como lle pete, facendo folga ou traballando". Na súa intervención no acto Por unha Galicia en igualdade, organizado polo PPdeG, acusou de "supremacismo ideolóxico" a quen considere que "unhas mulleres defenden a igualdade mellor ca outras simplemente porque forman parte doutro partido"
Comeza en Lugo a manifestación do feminismo galego, baixo o lema Por todas as mulleres, por todos os dereitos, revolta feminista. e que anticipa a gran mobilización do 8 de marzo. Este é o manifesto que se lerá ao remate da marcha
Ana Peleteiro, campiona de Europa de Triplo Salto con 14.73 metros. A galega, nacida en Ribeira, acada no Campionato en Pista Cuberta de Glasgow, tamén o récord de España e terceira mellor marca mundial do ano. O pasado ano foi bronce no Campionato de Europa e no Campionato do Mundo en pista cuberta
Fortes ventos do sur, que superarán os 100 km/h na Mariña e os 70 km/h na costa coruñesa, activan a alerta laranxa no litoral este domingo, e alerta amarela no interior de Pontevedra e A Coruña. Nos ceos haberá nubes e claros pola mañá, coa posibilidade dalgunha chuvia esporádica. Pola tarde as chuvias chegarán a todo o país.
Ás 22 horas comeza a Gala dos Premios Mestre Mateo, que se poderá seguir en directo na TVG e en twitter coa etiqueta #MestreMateo19. Podes ler aquí a quiniela de Vinte para os premios do audiovisual galego.