A enfermería eventual volve protestar ante hospitais e centros de saúde "contra a precariedade laboral". O colectivo Eventuais en Loita denuncia "contratos fraudulentos e vidas laborais interminables" e apoia a súa compañeira Alba, que sufriu ataques persoais desde o Sergas tras denunciar a situación destes profesionais na televisión.
Sánchez e Iglesias negocian desde o luns unha coalición para alcanzar axiña un acordo de goberno, segundo adianta eldiario.es. O PSOE ve máis doado sacar a investidura adiante malia perder apoios o 10N.
O avogado xeral da UE cre que a inmunidade de Junqueras como eurodeputado debería "resultar unicamente do voto dos electores" e considera que o Supremo debería terlle permitido adquirir a súa condición de europarlamentario.
Morre un mariñeiro, cinco son rescatados e tres chegan por si sós a terra tras embarrancar un pesqueiro en Porto do Son. O Divina del Mar, con base en Portosín, quedou varado nas proximidades do Castro de Baroña (Vídeo de Gardacostas de Galicia).
Evo Morales acepta o asilo que lle ofreceu México. “Parto rumbo a México, agradecido polo desprendemento do goberno dese pobo irmán que nos brindou asilo para coidar a nosa vida. Dóeme abandonar o país por razóns políticas, pero sempre estarei pendente. Pronto volverei con máis forza e enerxía”, comunicou el mesmo en Twitter.
O galego Alberto Grandío, novo presidente da Asociación Estatal de Salas Privadas de Concertos. Grandío é o máximo responsable do Clavicémbalo de Lugo e na actualidade xa encabezaba Clubtura, a asociación galega de salas de música ao vivo. Agora ponse á fronte da asociación que aglutina máis du cento de salas en todo o Estado, 31 delas galegas. Na imaxe, a nova directiva. O Clavi é un dos candidatos ao premio do público do Culturgal 2019.
Albert Rivera dimite como presidente de Ciudadanos tras o afundimento electoral. O líder da formación comunica que abandona a vida política. En Galicia Ciudadanos vén de perder os dous escanos que lograra o 28A. No seu desembarco hai unha década a formación cargaba contra "la Junta" e a "galleguización".
A nova consultora de José Blanco e outros ex-políticos considera como escenario de gobernabilidade máis posible unha coalición PSOE-Podemos-Más País co voto a favor de Ciudadanos ou ERC e outras pequenas formacións. Acento Asuntos Públicos ve máis difíciles as opcións dunha abstención conxunta de Ciudadanos e ERC ou do PP. A gran coalición PSOE-PP só a contempla se non houbese ningunha alternativa e descarta as terceiras eleccións.
Evo Morales renuncia á presidencia de Bolivia poucas horas despois de anunciar novas eleccións e denuncia persecución dos “golpistas”. Tras as eleccións de primeira ronda celebradas en outubro gañadas por Morales, a oposición denunciou fraude e este domingo sucedéronse os movementos con alzamentos policiais, o anuncio de novas eleccións e a posterior renuncia de Morales.
Así fomos contando ao vivo a xornada electoral deste 10N desde a apertura dos colexios ata o inicio do escrutinio.
