Persoal de xustiza mobilízase nas cidades a poucos días dunha nova reunión coa Xunta, o vindeiro luns. Unha manifestación con ducias de vehículos en Vigo provoca retencións.
Fálase
-
O alcalde de Baiona e a concelleira de Igualdade sofren un accidente de coche en Leiria (Portugal) cando viaxaban a Palos de la Frontera (Huelva), municipio co que o concello baionés está irmandado. Ángel Rodal saíu ileso e Carmen Paredes sufriu feridas leves, sinala o Concello.
O Goberno central atende a petición do PP de Lugo e organiza unha xura da bandeira de España na cidade. Os populares reclamaran que o Concello lucense organizase este evento militar e o goberno local instounos a dirirírense ao Executivo de Rajoy se o desexaban. Celebrarase o 26 de maio (Na imaxe, o anuncio dun destes actos celebrado na Coruña).
Suspendida a circulación de trens na liña Ourense-Monforte por "meteoroloxía adversa". Renfe informa ademais dun atraso de máis dunha hora do tren entre Barcelona e Vigo á altura do Bierzo e do envío por estrada dos pasaxeiros do Alvia que ía da Coruña a Barcelona entre Ourense e León, tamén por "meteoroloxía adversa".
O pleno de Santiago aproba a municipalización dos servizos de ORA e guindastre cos votos a prol de Compostela Aberta e BNG
O pleno do Congreso rexeita as emendas de PP e Ciudadanos para frear a derrogación da prisión permanente revisable, que segue adiante. Durante o debate, o PP instou os grupos contrarios a esta figura punitiva a ollar cara ás familias de persoas asasinadas, entre elas o pai de Diana Quer, antes de votar.
O Eixo Atlántico lanza hoxe na Coruña a súa axenda urbana, o primeiro documento transfronteirizo de colaboración entre concellos de toda a UE. O documento xa foi abordado o pasado ano no Congreso do Eixo, en Braga. O máis destacado da xornada, hoxe en Praza.
A CIG convoca este xoves unha nova xornada de mobilización na defensa das pensións públicas. As concentracións están convocadas ao mediodía na Coruña, Ferrol, Boiro e Cee e na tarde e o serán en Vigo, Santiago, Pontevedra, Lugo, Ourense, Burela, As Pontes e Lalín
Rei Zentolo pon á venda camisolas oficiais da serie Fariña, producida pola galega Bambú Producciones para Atresmedia e inspirada no libro do xornalista Nacho Carretero sobre a historia do narcotráfico en Galicia, e anuncia que doará parte dos beneficios das vendas á Asociación Érguete, que traballa na axuda a persoas drogodependentes.
Cen catedráticas e catedráticos de Dereito Penal, entre eles catro das universidades galegas, lanzan un manifesto pola abolición da prisión permanente revisable, instaurada polo Goberno de Rajoy en 2015 e que parte da oposición no Congreso aposta por derrogar, mentres o PP defende ampliala. Pódese ler en eldiario.es
