O perito designado pola Xunta para o accidente de Angrois corrixe verbalmente no xulgado parte da súa avaliación pero insiste en que Adif analizou correctamente o risco na curva. Tras el comparecerá tamén este xoves o perito independente para ratificar igualmente a súa visión contraposta de que Adif incumpriu a normativa. Máis tarde está citado como imputado o ex-director de Seguridade de Adif, Andrés Cortabitarte. A informaciónm ao longo do día en Praza.gal.
EPA | O paro descendeu no segundo trimestre en Galicia en 15.600 persoas ata quedar en 201.500, 21.400 menos que hai un ano, segundo a Enquisa de Poboación Activa que vén de ser facer pública. Neste período o emprego aumentou en 15.300 persoas ata 1,05 millóns, o que implica un aumento de 14.900 persoas a traballar con relación a hai doce meses. Máis información, esta mañá en Praza.
A Fiscalía pide 4 anos de cadea para a ex-alcaldesa de Betanzos, María Faraldo (PP), pola contratación irregular dun profesor. Faraldo dimitiu como deputada do PPdeG en 2014 tras ser procesada e Feijóo subliñou a súa "honra". En 2006, como secretaria de organización dos populares na Coruña, chamou formalmente a obstaculizar os trámites do Goberno bipartito para constituír as brigadas contra incendios.
O PP acumula catro versións sobre a súa ruptura de relacións coas empresas da trama Gürtel sobre as que compareceu Rajoy na Audiencia Nacional. Cóntao eldiario.es
A Xunta anuncia a adxudicación das primeiras 27 liñas do novo plan de autobuses, a maioría a unións temporais de empresas. A relación completa dos contratos, nesta ligazón. O Goberno galego prepara a adxudicación doutros 11 contratos para esta semana e a asignación directa de tres máis, todos na provincia de Ourense, por non concorreren "ofertas válidas".
O xuíz decreta prisión provisional sen fianza para o home que acoitelou a súa ex-parella en Santiago o pasado luns. A muller vítima do ataque machista, Ana María, recupérase da vintena de coiteladas no Clínico compostelán. Recólleo a TVG
A Xunta non autoriza a segregación das centrais de Ferroatlántica, como pedía o grupo Villar Mir para a súa venda, por "non existir garantías dabondo para o mantemento da actividade industrial". Consulta aquí toda a información
As mortes por caídas fortuítas duplican en Galicia ás rexistradas nas estradas. Nove de cada dez vítimas superan os 65 anos.
Rajoy acode hoxe á Audiencia Nacional para cuestionar oito anos de investigación ao PP por corrupción. É a primeira declaración como testemuña dun presidente do Goberno central mentres está na Moncloa. A declaración ao vivo, nesta ligazón.
Permanece hospitalizada con prognóstico reservado a moza acoitelada pola súa ex-parella este luns en Santiago. O agresor xa foi detido, segundo informa a Policía e recolle Europa Press na súa web.