Fálase

Duras negociacións no Consello Europeo a respecto do fondo para paliar os efectos económicos da crise do coronavirus. Gobernos como o dos Países Bajos, Austria, Dinamarca Suecia ou Finlandia, esixen recortar a proposta da Comisión, con 750.000 millóns de euros dos que a maioría serían transferencias para os Estados máis golpeados pola pandemia, como España ou Italia. A chanceler alemá advirte de que é posible que a xornada finalice sen acordo. Na imaxe, unha das xuntanzas desta fin de semana en Bruxelas, coa participación de Pedro Sánchez e António Costa (© UE)

• A exposición ao turismo e á industria do automóbil acrecentan os riscos de Galicia na crise económica polo coronavirus

A rapa das bestas de Sabucedo, definitivamente suspendida por mor do coronavirus. Así o decidiu este sábado en asemblea a veciñanza da parroquia. Hai que actuar con responsabilidade para preservar a saúde e non correr riscos innecesarios que poidan facer que xurda un brote", sinala o presidente da asociación, Paulo Vicente. A asemblea decidiu tamén cancelar as festas de San Lourenzo e "intensificar o coidado das bestas no monte".

Máis incendios na provincia de Ourense. O de Rubiá, que afecta ao parque da Serra da Enciña da Lastra e que ata esta mañá xa queimara unhas 40 hectáreas, únense cando menos outros dous en Canibelos e Untes (Ourense). Polo momento, a Xunta informa dun só incendio en Ourense superior ás 20 hectáreas. Imaxe tomada por bombeiros forestais da Brif Laza, que participan nos traballos de extinción.

A asemblea xeral de Caixa Rural Galega aproba as súas contas de 2019 cuns beneficios de 5,5 millóns de euros, uns depósitos de "case 100.000 millóns de euros" e créditos por algo máis de 550 millóns. A asemblea reelixiu como presidente da cooperativa con sede en Lugo a Manuel Varela, na imaxe (á dereita) xunto ao director xeral, Jesús Méndez. A entidade mantense "optimista" para seguir medrando en 2020 malia á crise do coronavirus, que "fai presaxiar tempos máis complexos", indica.

A Fundación Luzes analiza este sábado os resultados electorais do 12X coa participación de Anxo Lugilde, David Rodríguez, Fran M. Hidalgo, María Obelleiro e Virginia P. Alonso. O encontro está moderado por Ana Luísa Bouza e pódese seguir ao vivo no Facebook de Luzes e mais na súa canle de Youtube.

O pregón do xornalista Luís Pardo abriu na noite do venres as Festas do Apóstolo de Santiago, cos actos marcados polas medidas de seguridade fronte ao coronavirus. O pregoeiro estivo acompañado nos balcóns de Raxoi por Eli Dosil, enfermeira do 061, e polo escritor Xosé Antonio Perozo, que superou a covid-19. Na imaxe, xunto co alcalde da cidade, Xosé Sánchez Bugallo, e o edil de Festas, Gonzalo Muíños.

Un incendio forestal en Pardollán (Rubiá) afecta ao parque natural da Serra da Enciña da Lastra e queimou xa cando menos 35 hectáreas. Na imaxe, labores de extinción do lume tomadas dende un avión do Exército do Aire. Medio Rural indica tamén a existencia doutro incendio en Lousame, dunhas 20 hectáreas. Como cada verán dende 2009, a Xunta non informa de todos os incendios forestais, senón só dos que superan as 20 hectáreas ou afectan a zonas habitadas ou áreas protexidas. 

Suspendida a feira taurina de Pontevedra. O promotor das touradas da Peregrina alega que as medidas para evitar contaxios do coronavirus impiden a súa celebración. Cóntao Pontevedra Viva (Imaxe: CC BY-SA Juan Mejuto)

• HEMEROTECA | "Pontevedra non necesita das touradas para nada, o que fan é danar a imaxe da cidade"

A Xunta concede a Medalla de Ouro de Galicia "ao persoal implicado na atención dos pacientes con coronavirus" no sistema sanitario e centros de maiores e dependentes. Na imaxe, unha traballadora do hospital de Ourense encargada de realizar test da covid-19.

• HEMEROTECA | As enfermeiras estoupan ante a precariedade, agravada coa pandemia: "Non máis remendos, estamos fartas"

A Xunta anuncia unha ampliación da obrigatoriedade do uso da máscara para previr contaxios do coronavirus como norma xeral en espazos abertos e pechados aínda que haxa distancia de seguridade. Esa obrigatoriedade non rexerá para persoas que convivan entre si ou espazos como as praias no momento do baño. A norma aínda non está pechada, segundo avanzou Feijóo tras a reunión do Consello. A entrada en vigor será "inmediata". Ampliamos a información neste espazo