Suspendida a feira taurina de Pontevedra. O promotor das touradas da Peregrina alega que as medidas para evitar contaxios do coronavirus impiden a súa celebración. Cóntao Pontevedra Viva (Imaxe: CC BY-SA Juan Mejuto)
![](https://praza.gal/media/cache/live_image/uploads/pontevedra-escultura-na-praza-de-touros-74a7be0.jpeg)
Suspendida a feira taurina de Pontevedra. O promotor das touradas da Peregrina alega que as medidas para evitar contaxios do coronavirus impiden a súa celebración. Cóntao Pontevedra Viva (Imaxe: CC BY-SA Juan Mejuto)
A Xunta concede a Medalla de Ouro de Galicia "ao persoal implicado na atención dos pacientes con coronavirus" no sistema sanitario e centros de maiores e dependentes. Na imaxe, unha traballadora do hospital de Ourense encargada de realizar test da covid-19.
A Xunta anuncia unha ampliación da obrigatoriedade do uso da máscara para previr contaxios do coronavirus como norma xeral en espazos abertos e pechados aínda que haxa distancia de seguridade. Esa obrigatoriedade non rexerá para persoas que convivan entre si ou espazos como as praias no momento do baño. A norma aínda non está pechada, segundo avanzou Feijóo tras a reunión do Consello. A entrada en vigor será "inmediata". Ampliamos a información neste espazo
Xabón e papel, entre os requirimentos para os servizos das estacións de autobuses que fixa o protocolo de desinfección fronte ao coronavirus que vén de facer público o Ministerio de Transportes.
Portugal facilita o pagamento por internet das súas autovías de peaxe. Segundo informa o Eixo Atlántico, a web oficial portugaltolls.com xa permite relacionar durante un mes unha tarxeta de crédito cunha matrícula dun vehículo estranxeiro sen ter que facelo fisicamente en gasolineiras ou oficinas de correos. Seguen estando dispoñibles outros sistemas de pagamento como a telepeaxe cos mesmos dispositivos existentes en Galicia.
VÍDEO | Así soa o novo de The Homens. Once anos despois do seu último disco, regresan coa súa formación orixinal e un tema e videoclip estival, 'Verán sen fin', que estrean este venres en VINTE
A Comisión Interuniversitaria de Galicia publica as cualificacións da selectividade. Pódense consultar nesta ligazón. A porcentaxe de aprobados é do 88%, un chisco por baixo de anos anteriores, nos que tamén se presentara menor número de estudantes. Na imaxe, un dos exames en Vigo.
Betanzos suspende a feira mensual que tería que celebrarse na vila hoxe, día 16, pola existencia de 6 casos de coronavirus na vila, "catro dunha mesma familia e outros dous veciños que residen na mesma vivenda". "Estes dous casos non teñen relación ningunha entre eles", sinala o goberno local nun comunicado, no que sinala que está á espera de máis datos da Xunta, xa que "recibe a información, case sempre, despois de ser publicada nos medios de comunicación".
Os principais poderes do Estado e todos os presidentes e presidentas das comunidades autónomas participaron esta mañá en Madrid na homenaxe ás vítimas mortais da pandemia do coronavirus. Na cerimonia interviñeron o familiar dun falecido na pandemia, unha traballadora da sanidade pública e o rei. (Imaxe: Congreso dos Deputados).
Falece Elvira Varela Bao, memoria das Irmandades da Fala e das vítimas da represión franquista en Galicia. Era a filla da mestra Elvira Bao e do mariño Bernardino Varela, ambos perseguidos tras o golpe de 1936 pola súa militancia galeguista. Imaxe tirada dunha entrevista realizada en 2014 pol'A Gentalha do Pichel, gravación dispoñible nesta ligazón. En 2013 foi recoñecida como Republicana de Honra.