Fálase

Nova folga na sanidade galega o 19 de xuño. A Asemblea de Áreas Sanitarias convoca un paro de todos os licenciados sanitarios en Galicia e apoia os que xa están previstos na Atención Primaria de Vigo a vindeira semana tras a división do conflito sanitario en varias frontes. 

Té con Gotas publica o seu novo podcast desde o Reino Unido, un especial sobre o voto rogado e a participación política da diáspora que inclúe unha conversa con Anxo Lugilde

VIOLENCIA MACHISTA | Un home agride a coiteladas a súa ex-parella en Vimianzo. A Garda Civil procura o agresor mentres a muller tivo que ser trasladada en helicóptero ao hospital pola gravidade das feridas. O Concello vimiancés xa amosou a súa condena desta agresión machista e o alcalde, Manuel Antelo, convocou un pleno extraordinario no que toda a corporación amosará "a súa solidariedade coa vítima e a súa familia".

Os Estados Unidos seguen a tensar as relacións con Irán e amagan cunha intervención militar en vésperas electorais para Trump. Análise en eldiario.es

O antigo frade do Cebreiro, condenado a 12 anos de prisión por abusar de dous menores. A Audiencia de Lugo considera probado que cometeu  "dous delitos de abuso sexual, un deles continuado, con prevalimento e acceso carnal" e "outro delito continuado de utilización de menor para elaboración de material pornográfico". Na imaxe, o acusado captado polas cámaras da TVG durante o xuízo.

AO VIVO | 26M | Dende as 18:00, debate entre aspirantes á alcaldía de Santiago con Martiño Noriega (Compostela Aberta), Agustín Hernández (PP), Xosé Sánchez Bugallo (PSdeG) e Goretti Sanmartín (BNG). A retransmisiónn directo dende a Facultade de Ciencias Políticas da USC, nesta ligazón.

O Tribunal Supremo rexeita excarcerar os líderes de ERC e JxCat en prisión preventiva, pero Oriol Junqueras, Raül Romeva, Jordi Turull, Josep Rull e Jordi Sànchez poderán acudir á constitución das Cortes o vindeiro 21 de maio como deputados e senadores electos.

Comeza arestora na TVG o debate entre os principais candidatos á alcaldía na Coruña. Pódese seguir nesta ligazón 

O CD Lugo anula o Día do Club para o derbi ante o Deportivo do domingo e devolverá o importe das entradas xa retiradas. A decisión da directiva de cobrarlles aos socios nun partido decisivo creara un "unánime malestar" expresado pola Federación de Peñas, que convidara o club a "rectificar" e animara os seareiros a non mercar billete ningún. 

O Goberno de España retira unha fragata dun grupo de combate encabezado polos Estados Unidos a causa da escalada de tensión con Irán tras rachar o Goberno de Trump o acordo nuclear con este país. Na imaxe, a fragata Méndez Núñez en Ferrol.