Fálase

O Consello de Ministros autoriza un rescate de 241 millóns de euros ao grupo hoteleiro Hotusa, que preside o chantadino Amancio López Seijas, o abeiro do Fondo de Apoio á Solvencia de Empresas Estratéxicas, creado pola pandemia. Este grupo empresarial, que tamén é o organizador do denominado Foro La Toja, conta cun plantel de 4.000 persoas e, segundo sinala o Goberno de España, recibe os fondos "exclusivamente" para "cubrir os gastos de nóminas, Seguridade Social e impostos", así como a "garantir a liquidez". Segundo a Sociedad Estatal de Participaciones Industriales (SEPI), "de non recibir o apoio solicitado, arrastraría graves dificultades para manterse en funcionamento".

• AMPLIAMOS 👉 Rescate público de 241 millóns ao grupo hoteleiro que organiza o 'Foro La Toja'

A Xunta eleva as ocupacións xerais máximas para actividades en interiores ao 90% dende o sábado, 9 de outubro e sen límite máximo de persoas. O DOG especificará as normas concretas para cada sector e actividade. Estas restricións son as principais que aínda permanecen alén das normas xerais de uso da máscara, distancia, hixiene e ventilación. 

• AMPLIAMOS 👉 Adeus ao mapa de restricións COVID: Sanidade eleva as ocupacións xerais ao 90% e augura "normalidade"
• DATOS | Galicia supera o 84% da poboación con pauta completa de vacina contra a COVID

Acordo entre o PSOE e Unidas Podemos para os Orzamentos Xerais do Estado de 2022 e a nova lei de vivenda. A norma sobre vivenda estaba a ser, precisamente, o principal atranco entre as formacións que conforman o Goberno de España para pechar o pacto dos Orzamentos, para o que agora terán que xuntar apoios no Congreso. Na imaxe, Pedro Sánchez e as tres vicepresidentas, o pasado xullo na Moncloa [© Borja Puig de la Bellacasa / Pool Moncloa]

• AMPLIAMOS 👉 As claves do plan de vivenda do PSOE e Podemos: dos límites a grandes propietarios á axuda de 250 euros
• +INFO 👉 As principais cifras para Galicia nos Orzamentos Xerais do Estado neste 2021
• +INFO 👉 Todas as informacións sobre dereito á vivenda en Praza.gal

Facebook e os seus servizos WhatsApp e Instagram volven funcionar tras a caída global sufrida durante a xornada do luns. A compañía estadounidense pediu desculpas polo fallo masivo, pero non aclarou as súas causas. Esta caída global produciuse en plena xeira de revelacións sobre as prácticas empresariais da compañía que encabeza Marck Zuckerberg e a súa responsabilidade na difusión de contidos "polarizantes e divisivos" na sociedade. [Imaxe: Dawid Sokołowski / Unsplash ]

Facebook e os seus servizos Instagram e WhatsApp sofren unha caída a nivel global. O sitio web Downdetector permite facer seguimento destas caídas.

A Axencia Europea do Medicamento dá o visto e prace ás doses de reforzo da vacina da COVID de Pfizer e Moderna para persoas inmunodeprimidas como as que xa se están administrando e deixa nas mans das autoridades sanitarias de cada Estado membro da UE a posibilidade de administrar a terceira dose á poboación xeral. Tras avaliar a eventual terceira dose da vacina de Pfizer, conclúe que, de seren administradas, terían que inxectarse como mínimo 6 meses despois da segunda e a maiores de 18 anos. O comunicado enteiro pódese ler nesta ligazón

• DATOS | Galicia supera o 84% da poboación con pauta completa de vacina contra a COVID

A Xustiza italiana suspende a extradición de Carles Puigdemont reclamada polo Tribunal Supremo español ata que o Tribunal de Xustiza da UE resolva sobre as cuestións formuladas polo xuíz Llarena a respecto deste caso. O ex-presidente catalán foi detido e posto en liberdade o pasado setembro en Sardeña. [Imaxe: © TV3]

PARO REXISTRADO | As inscricións nas oficinas de emprego aumentaron en 1.790 durante o mes de setembro en Galicia, unha das únicas tres comunidades autónomas nas que aumentou o paro rexistrado, que caeu un 2,28% mensual no conxunto do Estado. Queda así en 153.054 persoas, un 13,32% menos que no mesmo mes de 2020. A afiliación media á Seguridade Social descendeu en 5.241 persoas, unha caída mensual do 0,5% mentres que a media estatal é de +0,3%. O total de afiliación media (1,034 millóns de persoas) é un 2,22% máis que o de hai un ano. 

• AMPLIAMOS 5.400 empregos menos e máis paro coa fin do verán en Galicia, que racha a tendencia positiva no Estado

#PandoraPapers A investigación dos Papeis de Pandora revela os negocios e fondos ocultos en paraísos fiscais de centos de cargos políticos, empresarios e figuras de diversos ámbitos en todo o mundo. A pescuda en torno á maior filtración xornalística da historia está coordinada polo Consorcio Internacional de Xornalistas de Investigación (ICIJ), que traballou en alianza con 150 medios de comunicación en todo o mundo. Entre eles, figuran El País, laSexta ou o portugués Expresso. (Imaxe: ©ICIJ)

Google dedica o seu doodle de hoxe á oceanógrafa ferrolá Ángeles Alvariño, que naceu en Serantes o 3 de outubro de 1916. A investigadora galega foi unha experta mundial en zooplancto, descubrindo un total de 22 novas especies e, ademais, superou moitos obstáculos polo feito de ser muller, abrindo camiño nun ámbito puramente masculino ata a súa chegada. Este ano deu nome á lei, aprobada polo Parlamento galego a iniciativa do BNG, para a igualdade entre homes e mulleres na investigación