Verónica Boquete e Ana Peleteiro denuncian a organización de grandes eventos deportivos en países "onde non hai dereitos humanos". A futbolista censura que a Supercopa de España se celebre en Arabia Saudita porque supón "premiar o agresor" e a atleta relata un episodio machista en Qatar, durante o último Mundial de atletismo. "Non repetirei", di.
O Pleno do Concello de Vigo aproba inicialmente a urbanización do Barrio do Cura, 23.000 metros cadrados xunto ao Casco Vello. A aprobación inicial da modificación do plan de urbanismo foi apoiada por PSOE e PP, coa abstención de BNG e o voto en contra de Marea de Vigo. A Xunta condicionou as actuacións por afectar ao patrimonio do barrio histórico.
Unha concentración solidarízase ante os xulgados de Ferrol co persoal de Alcoa e representantes sindicais acusados de "atentado á autoridade" nunha manifestación ante o Congreso dos Deputados. Este martes declararon Víctor Ledo, secretario xeral de CCOO-Industria de Galicia, e dous traballadores da antiga Alcoa.
O presidente de Portugal inicia as audiencias cos partidos políticos tras as eleccións lexislativas para propoñer xa o socialista António Costa como candidato a primeiro ministro tras a súa vitoria. O PS prevé iniciar mañá os contactos con outras formacións da esquerda.
Iberdrola contratou o ex-comisario Villarejo, investigado por prácticas corruptas, para investigar o xuíz que lle freaba unha central térmica e infiltrarse nun colectivo ecoloxista que se opuña á factoría, segundo publica este martes El Confidencial
ENQUISA | O PSOE perdería cinco escanos nas xerais do 10N mentres o PP recuperaría máis dunha trintena e rozaría os 100. Pedro Sánchez seguiría precisando de pactos para gobernar, segundo o inquérito de Celeste-Tel para eldiario.es
Luís Cesar Sampedro, novo adestrador do primeiro equipo masculino do Deportivo da Coruña en substitución de Juan Antonio Anquela.
O Deportivo da Coruña destitúe a Juan Antonio Anquela como adestrador do primeiro equipo masculino. Tras 10 partidos disputados o Dépor ocupa a vixésima posición na clasificación da Segunda, con só unha vitoria. (Imaxe: RC Deportivo)
O PP sitúa a alcaldesa de Marín, María Ramallo, como número 1 da súa lista ao Congreso nas xerais do 10N en substitución de Ana Pastor, que será a número dous de Pablo Casado por Madrid. A formación tamén confirma que recupera o ex-conselleiro Javier Guerra para ser candidato ao Senado por esta provincia.
Novas enquisas sitúan o PSOE en cabeza cara ás eleccións xerais do 10N e ao PP como o partido que máis medrará, recuperándose do forte devalo de abril. Segundo a de Sigma Dos para El Mundo, os socialistas medrarán levemente e o PP roldaría os 100, mentres que Podemos recuperaría a terceira praza. GAD3 para ABC augura un leve retroceso do PSOE e coincide no ascenso do PP. Sociométrica para El Español tamén prevé un PSOE estancado, un PP á alza e un triplo empate en terceira posición.
