A Xunta esqueceu promulgar a Lei de Orzamentos e outras dúas “en nome do rei” e publica este martes varias correccións de erros no Diario Oficial de Galicia. O Goberno galego engade agora aos textos legais publicados o pasado 27 de decembro esa esixencia contida no artigo 13.2 do Estatuto de Autonomía que fora omitida nas versións previas.
A Xunta atopa irregularidades noutro espazo para a celebración de vodas e ordena demoler varias edificacións en Castro de Rei, no predio Lenda do Quercus. A Administración xa ordenou precintar varios pazos por organizar casamentos de maneira ilegal e investiga outros espazos logo de que o verán destapase numerosas ilegalidades.
Pedro Sánchez viaxará a Galicia para reunirse con Feijóo dentro da súa rolda de encontros coas presidencias das comunidades autónomas. Sánchez avanzou estes encontros nunha entrevista en TVE.
Os fogos do Apóstolo deixarán de ser lanzados na compostelá Praza do Obradoiro para evitar o deterioro da Catedral e do Pazo de Raxoi, onde se manterá o espectáculo de luz e son. É unha das medidas incluídas no paquete de "actuacións urxentes no entorno da Catedral e nas zonas anexas da cidade histórica" para 2021 que o goberno local de Santiago vén de achegar aos grupos da corporación municipal. Na imaxe, un intre dos fogos de 2019 (Concello de Santiago). Consulta aquí toda a información
Duplo recoñecemento para 'O que arde' nos Premios Gaudí do cinema catalán: mellor película europea e mellor fotografía. O filme de Óliver Laxe xa é a película en galego máis vista da historia nas salas. 'Quien a hierro mata', coproducida pola galega Vaca Films, levou tamén dous premios: mellor actor secundario (Enric Auquer) e mellor dirección de produción.
Morre un cazador en San Xoán de Río “ao disparárselle unha escopeta de forma accidental”, segundo informa o 112 Galicia. [Imaxe de arquivo da Federación Galega de Caza]
Antonio Fontenla, voceiro da patronal galega, que dous anos despois aínda non logrou elixir un presidente, volve cargar contra o Goberno central: “As medidas que anuncia son de poñer os pelos de punta”, di nunha entrevista na Radio Galega. Hai apenas dous meses, noutra entrevista tamén na Radio Galega, Fontenla xa clamara contra o pacto PSOE-Podemos.
Falece unha muller ao bater contra unha cabina de peaxe da AP-9 o vehículo no que viaxaba como acompañante. O condutor e unha traballadora da autoestrada resultaron feridos no sinistro ocorrido na peaxe de Guísamo do ramal de Ferrol, segundo informa a Axencia Galega de Emerxencias.
Feijóo envía unha carta a cada ministerio ofrecendo “diálogo e cooperación leal” ao tempo que o PP galego centra a súa axenda no que queda de lexislatura en esixir a ‘Axenda Galicia’.
VINTE NA REDE | Que teñen en común series míticas da TVG como Shin Chan, Pratos Combinados ou A Nanny con Miguel Anxo Bastos ou Néstor Rego? Todos teñen contas 'out of context' que lle están dar grandes momentos ao Twitter ao galego. Cóntannolo en VINTE
