O que arde supera os 50.000 espectadores en só tres semanas e inicia a súa cuarta semana de exhibición con pases regulares en 29 salas de todo o Estado. A película de Óliver Laxe convértese no filme en versión orixinal galega máis visto desde Sempre Xonxa, de Chano Piñeiro, estreada en 1989.
As principais forzas políticas iniciaron esta noite a campaña das eleccións do 10N coa tradicional pegada de carteis
Vinte filmes galegos para ver na ponte dos Defuntos. Coa noite do Samaín comeza a ponte dos Santos e VINTE trae consigo unha escolma de 20 filmes de terror de directores galegos ou rodadas en Galicia ideais para estes días.
Pilar Pallarés gaña o Premio Nacional de Poesía que concede o Ministerio de Cultura con Tempo fósil. Nesta entrevista de Montse Dopico a poeta debulla algunhas das claves deste poemario.
Twitter anuncia a fin da propaganda política pagada nesta rede social. "Pensamos que o alcance das mensaxes políticas hai que gañalo, non mercalo", explica Jack Dorsey, un dos fundadores da compañía, mentres medran a nivel global os receos pola manipulación política noutras redes como Facebook e tras varias controversias por redes de contas falsas de Twitter con esta finalidade. Esta medida non atinxe ás eleccións xerais do 10N, porque Twitter non comezará a aplicala ata o día 22 de novembro.
A editorial Kalandraka leva dous galardóns nos premios aos libros mellor editados en 2018, concedidos polo Ministerio de Cultura. Na categoría infantil e xuvenil o certame distingue Cándido e os demais, de Fran Pintadera, co primeiro premio e Cara de velocidade, de Marga Tojo, co terceiro.
Sofía e Mateo foron os nomes máis comúns das nenas e nenos que naceron en Galicia durante o ano 2018. O IGE vén de actualizar a súa estatística de nomes da poboación; podes buscar os nomes máis frecuentes do 2018 na táboa interactiva baixo estas liñas ou consultares os datos de anos e décadas anteriores nesta ligazón
Este 31 de outubro chega a Praza.gal un novo episodio de Concienciadas, o noso espazo de divulgación científica. Agora que chega o tempo das gripes e de protexerse contra elas, Iria Veiga e Javier Balea explicarannos como funcionan as vacinas.
Os representantes sindicais pechados na Consellería de Educación na mañá deste mércores retíranse tras aceptar a conselleira recibilos a próxima semana. CIG, CCOO, ANPE e UGT reclaman negociar a volta ao seu horario lectivo previo aos recortes da crise.
O ‘Libro das Invasións’, coa primeira referencia a Breogán, está xa na Cidade da Cultura tras saír por primeira vez de Irlanda. Será unha das pezas estrela da exposición ‘Galicia, un relato no mundo’, xunto co Cancioneiro da Vaticana ou o Guerreiro de Lesenho.
