A Fiscalía Anticorrupción investiga os reis Juan Carlos e Sofía e varios dos seus familiares polo uso de tarxetas de crédito opacas con cartos procedentes do estranxeiro, segundo unha información que publica eldiario.es
Fálase
-
Feijóo atribúe os disturbios dos últimos días en varias cidades españolas a "ultras de extrema esquerda e extrema a dereita á vez" que "non se decatan dos centos de persoas que morren todos os días" polo coronavirus. Son declaracións en Vigo recollidas por Europa Press das que informa eldiario.es (Foto: David Cabezón / Xunta)
Asturias decreta o peche total da hostalería e o comercio non esencial e pide ao Goberno central un confinamento domiciliario de 15 días. "É vital para o control da pandemia", advirte o presidente do Principado, Adrián Barbón.
Os candidatos á presidencia dos Estados Unidos de América apuran os últimos actos de campaña antes das transcendentais eleccións de mañá, 3 de novembro. Neste especial, Infolibre repasa algunhas das principais proxeccións e enquisas sobre pugna entre Donald Trump e Joe Biden.
Segunda noite de disturbios en varias cidades de España, con varios detidos en Madrid, Logroño, Bilbao ou Santander e varios axentes de policía feridos. As protestas violentas apuntan, en varios casos, a grupos de extrema dereita. Foto: Delegación do Goberno en Madrid.
Portugal impón novas restricións en 121 concellos, que abranguen máis de 7 millóns de persoas. Haberá un confinamento parcial a partir do vindeiro 4 de novembro.
Boris Johnson decreta o confinamento de Inglaterra durante un mes, ata o 2 de decembro. Todo o comercio non esencial, restaurantes, pubs e locais de ocio permanecerán pechados. Os cidadáns só poderán saír da casa para traballar, ir a clase ou facer deporte.
A RAG volve adiar o seu pleno extraordinario dedicado a Ricardo Carvalho Calero polo Día das Letras Galegas a causa dos novos confinamentos perimetrais polo coronavirus. A sesión, que xa non se puido celebrar o 17 de maio, trasladárase ao 31 de outubro. Este venres a Agal tamén se viu obrigada a suspender, por mor das novas restricións, unha lectura pública continuada de Scórpio que se ía desenvolver en Santiago.
A Xunta establece confinamentos perimetrais en Santiago Ames e Teo; Ferrol, Narón, Fene e Neda; A Coruña e Arteixo; Pontevedra, Poio e Marín; Vigo, Lugo e Vimianzo polo coronavirus. Os confinamentos perimetrais xa vixentes na provincia de Ourense seguirán vixentes. As medidas, que Sanidade espera ter en vigor este mesmo venres ás 3 da tarde, inclúen limitación de reunións só para convivintes, serán revisadas o vindeiro martes.
- INFORMACIÓN EN AMPLIACIÓN 👉 A Xunta estende o confinamento perimetral e o veto ás reunións de non convivintes a toda a Galicia urbana
O Congreso aproba a prórroga ata o 9 de maio do estado de alarma, como solicitara o Goberno central. Obtivo 194 votos a favor, 53 en contra (Vox) e 99 abstencións (PP, Bildu, CUP e UPN).
