Os estudos máis recentes alertan de que "unha proporción moi importante" da poboación que rexeita as agresións físicas de xénero aceptan, en maior ou menor medida, outras formas de maltrato como o control da parella. A Marcha Mundial das Mulleres e outros colectivos feministas animan á mobilización neste 25-N para "despatriarcalizar" a sociedade.
Xavier Belho está a percorrer en moto os países do sur de Europa, gravando o documental Crisis? What Crisis?, que busca coñecer e facer visibles proxectos colectivos de transformación social. Atopámolo en Cáceres e falamos con el.
Catro columnas do sur das Marchas da Dignidade comezaron a andaina a pasada fin de semana e uniranse en Pontevedra para dirixirse xuntas cara á Compostela, ata onde chegarán tamén as columnas de Ferrol e da Coruña, que iniciarán o camiño entre este martes e mércores.
Un xulgado de Santiago está a piques de rematar a instrución da presunta trama de contratos irregulares para a restauración de bens eclesiásticos que sentará no banco dos acusados a funcionarios, cregos e empresarios. O caso estourou definitivamente coa denuncia da veciñanza de Paraños (Covelo) pola entrega da casa reitoral da parroquia ao presunto líder da rede, un antigo traballador da Consellería de Cultura.
A asociación para a defensa das mulleres e nenos sobreviventes da violencia de xénero abandonará a súa actividade a finais de ano ante "a falta de apoio e desprotección absoluta". O colectivo atende na actualidade 130 persoas, case trinta deles menores de idade.
A Alianza Social Galega maniféstase en varias localidades contra unha lei que pretende "tapar a boca" ao sindicalismo e á cidadanía e criminalizar a protesta contra as politicas do Partido Popular.
Insta a Xunta e o Goberno central a "cumprir a lei vixente" e lembra que para que a lexislación fucione, "o Executivo ten que crer nela e presupostar os fondos necesarios".
Centos de persoas maniféstanse en Compostela en contra da privatización dos montes comunais. As comunidades de montes en man común demandan unha fiscalidade propia e a condonación das "falsas débedas" e denuncian a intención da Xunta de "usurpar" da xestión aos veciños.
Veciños da Coruña volven intensificar as protestas ante o inminente desaloxo dunha familia en Elviña, cuxa casa podería ser derrubada na vindeira semana. As manifestacións colapsaron varias veces o tráfico e irromperon no pleno municipal sen que o Concello dea unha solución.
ADEGA participou en Vitoria-Gasteiz na xuntanza da rede estatal Composta en Red para compartir experiencias de compostaxe caseira e comunitaria. Ademais, os alcaldes do BNG de San Sadurniño, Riotorto e Allariz coñeceron sobre o terreo alternativas para o tratamento de residuos.
O Centro de Información á Muller do Concello de Pontevedra iniciou unha campaña con motivo do 25 de novembro, Día internacional da loita contra a violencia de xénero, que denuncia outros tipos de violencia, previos á agresión física
Tan só dúas das trinta especies ameazadas contan cun plan de recuperación e conservación activo malia as obrigas da Lei da Conservación da Natureza de hai trece anos e do catálogo de 2007. O abandono do rural e a proliferación de eucaliptos e piñeiros son os principais perigos.