Ante as reiteradas negativas da Xunta de dar un paso para asegurar a integración de Música, Arte Dramática, Deseño ou Conservación na universidade, alumnado, profesorado e pais e nais demandarán tamén ante o Ministerio de Educación unha decisión que equipare España co resto de Europa.
Os mariñeiros trasladan as protestas de Vigo á Coruña, onde bloquearon os accesos e sufriron algunha carga policial. Seguen reivindicando un reparto xusto e igualitario das cotas da xarda e do xurel das que dependen 15.000 familias.
A maioría absoluta popular rexeita no Parlamento realizar un informe vinculante que desaconselle a continuidade da empresa contaminante en Lourizán. O PP adía a realización deste estudo á aprobación do regulamento da nova Lei de Costas.
As reivindicacións do 8 de marzo intensifícanse coas protestas contra a reforma da lei do aborto, que confluirán este domingo nunha manifestación nacional en Compostela "polos dereitos sexuais e reprodutivos" que pretende ser unha "resposta masiva" a Gallardón.
Veciños do barrio de Ferrol Vello afirman que o artefacto militar que provocou o accidente voou por riba das casas e caeu no peirao de Curuxeiras. Tamén denuncian que a Armada freou a acción dos bombeiros e tentou que o suceso non trascendese. AGE e BNG demándanlle explicacións ao Goberno.
Un grupo de pais e nais de Compostela reúnen cada pouco os seus fillos na busca dun espazo común para transmitir o galego e como "resistencia" ante a "marxinación" que sofre a lingua no país. A idea espallouse xa a Euskadi.
O alcalde, Alfonso Fuente Parga, cualifica a intervención decidida pola Xunta en 2007 de "medida política", a pesar de que o pasado ano o propio concello recoñeceu que Barreiros vivira unha "actividade inmobiliaria desproporcionada”.
Uns dous milleiros de pensionistas "estafados" maniféstanse na Coruña para reclamarlle ao Goberno a anulación da campaña sancionadora e unha solución ás multas que poden afectar uns 250.000 xubilados en Galicia.
O Concello de Ferrol promete que as obras de recuperación da vivenda comezarán tras a aprobación definitiva do Plan Especial de Protección e Rehabilitación, prevista para finais de ano. As forzas da oposición responsabilizan o Goberno local do deterioro do barrio.
Lanzan unha iniciativa para establecer un diálogo, a través de videocartas, entre emigrantes retornados que traballaron en Alemaña e mozos e mozas galegas que veñen de reemprender ese camiño e buscan oportunidades naquel país.