O colectivo Redes Cristiás vén de celebrar a súa asemblea en Compostela cunha apelación á "rebeldía" e entre protestas polos desaloxos e os recortes. Falamos cun dos seus voceiros, José María Barca, que aposta por que a institución católica se desprenda dos seus "privilexios" e atenda problemas como a vivenda ou o desemprego.
Os sindicatos destacan o elevado seguimento da primeira xornada de folga no SERGAS e fan un chamamento á sociedade a participar nas manifestacións convocadas este martes en defensa da sanidade pública. CIG e CCOO cifran nun 80% a participación, e a Xunta fala dun 22%, sen contar os servizos mínimos (outro 35% de traballadores)
A Confederación de Anpas Galegas preséntase este martes en Compostela e aclara que "non nace por oposición a ninguén".
O Fondo Galego de Cooperación e Solidariedade comeza este luns as xornadas de irmandade co pobo caboverdiano, que repasará os proxectos desenvolvidos no país africano grazas á colaboración de entidades locais galegas e servirá de foro de intercambio de experiencias entre os dous países.
Xosé Veiras reflexiona en Un claro no bosque, o blog de Praza sobre ecoloxismo social e biodiversidade, sobre o tramo autonómico do imposto especial sobre hidrocarburos, que destaca como "imposto ecolóxico" ao incentivar "un uso menor e máis eficiente dos vehículos privados"
Cada ano decenas de milleiros de animais son abandonados ou asasinados despois de xaneiro, cando remata a tempada de caza. Sobre todo galgos (uns 50 mil), criados para esta actividade e desbotados despois. Protectoras e campañas de adopción traballan contra esta situación.
Falamos con Anabel G. Penín, directora da Unidade de Igualdade da Universidade de Vigo, sobre as accións que leva a cabo o seu departamento para eliminar as fendas de xénero que aínda se manteñen na institución.
Os veciños protestan contra as obras que converterán o baixo da Casa da Cultura de Camporrapado no tanatorio municipal, deixando tres parroquias sen varios servizos. A oposición acusa o concello de prevaricación.