Educación ordena ao IES de Melide borrar das redes unha mensaxe sobre o "impacto dos recortes"

Decálogo sobre os recortes elaborado por profesorado do IES de Melide e o conselleiro de Educación, Román Rodríguez, nun acto recente CC-BY-NC-SA Praza.gal

Hemeroteca

Profesorado do IES de Melide sintetizou nun decálogo o que, ao seu xuízo, é o "impacto dos recortes que vén padecendo o instituto" por parte da Consellería de Educación. Divulgouno fisicamente, mediante a súa impresión nas paredes do centro, mais tamén na conta do IES en Instgram, de onde a Consellería de Educación ordenou borrala a través da inspección educativa.

CIG-Ensino acusa a Consellería de "acosar e a perseguir ao profesorado galego en lugar de poñer os medios e recursos necesarios para o correcto funcionamento dos centros"

Para a CIG-Ensino, sindicato maioritario entre o profesorado do ensino público, esta orde de eliminación da mensaxe ratifica que a Consellería "segue a acosar e a perseguir ao profesorado galego en lugar de poñer os medios e recursos necesarios para o correcto funcionamento dos centros". A central sindical declarábase, asemade, "sorprendida" pola retirada dixital "dun material que está, no seu formato físico", visible no propio instituto. Non obstante, este mércores a orde de retirada estendeuse tamén á cartelaría.

Decálogo elaborado por profesorado do IES de Melide sobre "recortes" no centro CC-BY-NC-SA CIG Ensino

"A liberdade de expresión é algo que especialmente lle molesta" á Consellería, consideran nun contexto no que coidan que "cómpre lembrar" que "mantén no cargo tanto ao subdirector xeral da Inspección Educativa como ao delegado territorial da Coruña", ambos "cuestionados polos seus posicionamentos ultras". Do que se trata, consideran, é de "tentar calar o profesorado", neste caso desconforme pola perda dun docente de inglés, a amortización de "tres vacantes de Latín, Lingua e Literatura Galega e Xeografía Historia cara ao próximo curso

A Xunta xustifica a orde de retirada porque "as canles de comunicación oficiais dos centros están acoutadas a un uso estritamente de carácter educativo e informativo"

Preguntada ao respecto por Praza.gal, a Consellería de Educación confirma a orde de retirada. Xustifícaa sinalando que "as canles de comunicación oficiais dos centros están acoutadas a un uso estritamente de carácter educativo e informativo" e "a publicación do IES de Melide na súa conta de Instagram non obedece a eses parámetros". Por iso, ratifican, "a Inspección Educativa advertiu o centro de que non estaba facendo un bo uso das súas contas oficiais".

Sostén o departamento que dirixe Román Rodríguez que non está a "cuestionar as opinións que, desde a liberdadede  expresión, calquera persoa pode expoñer no seu ámbito persoal a través de canles particulares e privadas". CIG-Ensino, pola súa banda, anima o persoal docente "deste centro e de todos os centros a continuar visibilizando os efectos que teñen os recortes de persoal na calidade do sistema educativo".

Despece

  • Interesouche esta información? Faite de Praza.gal

    As informacións coma esta só podemos contalas da man das socias e socios. Contámolas contigo e así as presións valen menos. Dende moi pouco, a túa achega económica pode axudarnos a soster e ampliar a nosa redacción e, así, a contarmos máis, mellor e sen cancelas. Podes optar por unha cota mensual ou faceres unha achega puntual, agora tamén con tarxeta ou a través do Bizum.

    Lembra, ademais, que ata o 80% da túa achega vénche de volta na declaración da renda. Así, por exemplo, unha cota de 10 euros ao mes pódeche quedar nun gasto real de 2 euros ao mes. As achegas de persoas xurídicas como as empresas obteñen unha devolución de ata o 40% no Imposto de Sociedades. Ademais, se te fas de Praza.gal entre o 17 e o 31 de maio, levas de balde un dominio.gal e un servizo de hosting gratis durante un ano grazas á colaboración da Asociación de Medios en Galego, Dinahosting e PuntoGal.

    CC-BY-NC-SA Praza.gal

    Xa es socia ou socio de Praza?

    Faríanos moito ben que, se podes, pensases en aumentar a túa achega. Como vos vimos contando, a marcha das contas da Fundación Praza Pública -a nosa editora- no pasado ano e a nosa actual estrutura fan imprescindible incrementarmos os ingresos para evitar que o que hoxe é unha situación económica axustada derive, no medio prazo, noutra de indesexables dificultades e consecuencias.

    Podes tramitar a túa nova cota como unha alta nova nesta ligazón. Simplemente,  emprega o mesmo correo electrónico e datos persoais que co teu perfil actual e o sistema substituirao automaticamente. Grazas!

Grazas ás socias e socios editamos un xornal plural

As socias e socios de Praza.gal son esenciais para editarmos cada día un xornal plural. Dende moi pouco a túa achega económica pode axudarnos a soster e ampliar a nosa redacción e, así, a contarmos máis, mellor e sen cancelas.
Quero ser de Praza