O cantautor cubano e Uxía unen as súas voces en 'O teu nome é bandeira', unha canción da artista galega en homenaxe á autora homenaxeada nas Letras Galegas, coa que Rodríguez mantivo amizade. "Nun tempo no que Cuba continúa precisando da solidariedade internacional, en tempos tan escuros, esta colaboración é tamén unha ponte de afectos entre os nosos pobos", destaca Uxía.
En Begoña Caamaño. Xornalismo para a cidadanía. De Vigo a Santiago (Galaxia), de María Xosé Porteiro achéganos unha das múltiples dimensións da homenaxeada nas Letras Galegas: a xornalista, sobre todo a que na década dos 80 se iniciou na profesión nun Vigo convulso e mobilizado. Falamos con ela sobre unha obra que percorre o traballo de Begoña Caamaño na radio e no xornalismo escrito e tamén o seu activismo profesional.
A Plataforma de Crítica Literaria Feminista A Sega vén de elixila como a Señora das Letras na celebración que todos os anos realiza para destacar autoras que, en moitos caso, foron esquecidas nas conmemoracións oficiais. É a primeira vez que coinciden no mesmo ano a figura protagonista do Día das Letras Galegas e do Día das Galegas nas Letras
A Real Academia Galega salientou hoxe, no pleno extraordinario do 17 de maio, a actualidade do seu legado, brillante e sedutor no literario, desafiante no intelectual e no ético, e sempre en galego. O presidente da RAG fixo unha “solemne exhortación" a Rueda para que impulse o diálogo político e social en prol do idioma
Baixo o lema “O galego, lingua vital” milleiros de persoas convocadas por Queremos Galego percorreron as rúas de Santiago este 17 de maio, para defender a lingua galega e loitar contra a emerxencia lingüística. “Señor Rueda: está a tempo de rectificar e deixar de ser o único presidente do mundo que renega do idioma do seu país”, indicou Marcos Maceira, voceiro da plataforma. "Mais insistimos: non imos esperar por vostede. Imos reverter a emerxencia lingüística con forza, unidade e o traballo conxunto dunha sociedade que quere o seu idioma porque é vital para a súa existencia e o seu desenvolvemento", engadiu..
"A mocidade actual está a romper cos estereotipos sobre o galego, sen os complexos cos que foi criada a miña xeración", di o profesor e director do IES Rafael Dieste da Coruña, onde xurdiu Aquí Tamén Se Fala, proxecto estudantil pola dinamización e normalización do idioma que acumula premios e recoñecemento.
Falamos coa xornalista, poeta e académica Ana Romaní sobre a figura homenaxeada neste Día das Letras, a Begoña Caamaño que tan ben coñeceu e que desenvolveu a súa actividade entre a radio pública e a literatura e que en todos os ámbitos se guiou polos mesmos obxectivos: a análise, o rigor, o desexo de cambio e a esperanza.
Chega o Día das Letras. O 17 de maio celébrase dende hai seis décadas a gran festa da cultura galega, este ano protagonizada pola figura de Begoña Caamaño. Os actos principais concéntranse esta fin de semana, sobre todo o domingo, pero tamén o sábado. Velaquí algúns dos máis destacados.
An Alfaya foi a encargada de realizar os contidos de Primavera das Letras, o espazo creado pola Academia para achegar á rapazada a figura homenaxeada o 17 de maio. Alí publicou Uuu-uuu Begoña, unha obra de teatro que percorre a súa obra e personalidade a través de cancións e da figura de Uxía Senlle. Pero a escritora viguesa foi tamén compañeira de Caamaño no instituto e en Maxisterio. Falamos con ela
Un roteiro percorre este sábado as rúas viguesas nas que naceu e medrou a homenaxeada nas Letras ata que a transformación urbanística obrigou a familia a mudarse a Coia, onde a autora viviu a súa mocidade. A actividade da novena edición do proxecto Rutas de Historia, en colaboración co portal historiadegalicia.gal, terá unha duración de tres horas e será guiada por Marcos Calveiro.