O vicepresidente Calvo mantén que "sempre que imos nunha visita institucional, está convidado o alcalde sexa do partido que sexa" e reprocha ao PSdeG ausencia de convites á Xunta en actos organizados polo Goberno de España en Galicia
Rueda na convención do PP en Valencia, Pontón no Consello Nacional do BNG e Formoso reunido para elaborar a ponencia marco do PSdeG para as municipais. O 28 de maio é unha cita clave para as formacións galegas, que miran a 2024 e os comicios ao Parlamento
A 'número dous' dos populares galegos presenta os comicios do 28M como unha loita contra a "síndrome de Sánchez" e os votos ao PP como unha vacina para evitala. Mentres, o secretario xeral dos socialistas, Valentín González Formoso, chama a intensificar a "mobilización social" a prol da sanidade pública
A Rolda Leste concibiuse para pechar o anel de circunvalación da cidade e conectar o hospital. Tras a conclusión da primeira fase, impulsada polo Goberno de PSdeG e BNG, a Xunta do PP anunciou en 2009 o proxecto da segunda, que tivo parado unha década. Agora vén de recibir a "actualización do proxecto" encargada en 2021 e fixo saltar as alarmas ao seguir prevendo elementos como un viaduto de 120 metros en plena reserva da biosfera Terras do Miño, xerando reticencias ou aberta oposición no goberno local de PSdeG e BNG e tamén en C's
A directora de Turismo de Galicia durante a última década, na que cedeu ao clúster de empresas do sector o deseño e execución de políticas públicas, será a candidata na súa vila dun PP co 22% dos votos nos últimos comicios, que consolidaron a alcaldía do BNG
Os datos definitivos do Padrón, coñecidos esta semana, determinan o número de concelleiros que se escollerán en cada localidade o vindeiro mes de maio, aínda que os concellos poden esixir correccións ante a Xunta Electoral. As Pontes, Neda, Crecente, Boimorto, O Valadouro, Antas de Ulla, Ourol, Navia de Suarna, As Nogais, Folgoso do Courel, Castrelo do Val e Pedrafita do Cebreiro perderían edís.
O intento do popular de volver á alcaldía que ocupou de 2004 a 2015 deixa no aire a presidencia da Autoridade Portuaria de Vigo, contrapoder que os populares veñen empregando fronte o alcalde da cidade
Os populares, que formaron bipartito con Jácome dúas veces no que vai de mandato, formulan unha moción para esixir que dimita por permitir que o home que interpretou o rei Baltasar na cabalgata "fose un condenado reincidente por abusos sexuais". PSdeG e BNG subliñan que o PP local agardou case unha semana para pedir explicacións e poñen o foco en que Jácome é alcalde grazas á formación conservadora que, lembran, esquivou a moción de censura para desbancalo
O que fora concelleiro de Cultura de Quiroga durante dúas décadas e ata o pasado outono, José Luis Rivera, anuncia a fundación dun partido independente para disputar en 2023 a alcaldía que ostenta o PP con amplas maiorías absolutas do mesmo alcalde, Julio Álvarez, dende os anos 80