Nacida en Ordes en 1773, foi a encargada de coidar os 22 nenos orfos que en 1803 transportaron nos seus corpos a vacina da varíola a América e Asia. En 1950 a OMS recoñeceuna como a primeira enfermeira da historia en misión internacional
O presidente da Xunta revela que Galicia gasta 250.000 máscaras cada sete días e que o Sergas ten reservas para dúas semanas. Advirte tamén sobre a falta de batas e tests e alerta de que "a presión asistencial que imos soportar a finais desta semana vai ser moi dura". Critica o reparto de recursos económicos pero di que "non é o momento de esixir responsabilidades"
O número total de casos de casos confirmados é de 885. Nas últimas horas producíronse dous novos falecementos, sumando xa 14. Tamén aumentaron as altas, un total de 16, con dez novos pacientes recuperados. A Coruña, con 226, segue sendo a área sanitaria con máis casos, pero medra a incidencia en Vigo, con 220
A medida, que deberá ser aprobada polo Congreso, manterá o confinamento obrigatorio e a limitación de movementos ata o remate da Semana Santa. Núñez Feijóo criticoulle ao Goberno central a falta de equipos de protección
Falamos cun empregado dun Carrefour de Vigo, que explica a situación na que está a traballar. "Hai persoas que son moi comprensivas e agradecidas. Pero hai outra xente que pensa que fai caso omiso ás advertencias", sinala. Pide, ademais, que as empresas non abran os domingos, como permitiu a Xunta.
Cunha decena de casos confirmados en Galicia nestes espazos, o persoal de residencias de maiores denunciou nos últimos días a carencia de medios de protección. Rexistráronse positivos en Compostela, Vigo ou Celanova. Houbo ademais o primeiro caso nun centro penitenciario e contaxiouse unha limpadora do Hospital de Pontevedra
Nas últimas horas producíronse tres novos falecementos, sumando un total de 12 mortes. A cifra total de positivos ascende a 721, dos que a maioría (527) se atopan nos seus domicilios. A Coruña segue sendo a área con máis casos, seguida de Vigo e Pontevedra
Foron moitas as epidemias sufridas por Galicia, dende a peste negra de 1348 a todas as sucesivas epidemias de peste (coma a de 1517 en Compostela ou a de 1566 que afectou a todo o país). Nos séculos seguintes foron moi duras as da varíola e o cólera (no XIX). E en 1918 a da gripe, que matou 50 millóns de persoas en todo o mundo
Nun centro de Santiago están illadas 60 persoas tras varios contaxios. As coidadoras no fogar tamén notan a escaseza de materiais de protección e avisan de que algúns usuarios se están a dar de baixa por medo
