O Consello de Ministros reforma de urxencia a lexislación sanitaria para "permitir o subministro centralizado" de produtos precisos para conter o virus e pasa a considerar en situación de baixa por incapacidade ás persoas illadas por estaren contaxiadas
A renda per cápita galega era en 2018 o 82 por cento da media europea, nivel similar aos rexistrados desde 2011 e que se afasta do 90 por cento que se acadara antes da crise
Once dos novos infectados residen na Coruña e a restante é unha mestra ourensá. Os casos da cidade herculina están relacionados cun centro cívico que vén de ser clausurado de forma preventiva. Dous dos doentes están na UCI e outros dous atópanse ingresados nunha unidade hospitalaria convencional; os outros nove están en illamento nos seus domicilio. A meirande parte son de idade avanzada
Malestar sindical pola reunión da Xunta coa patronal pero non con representantes dos traballadores tras pedir Feijóo que non haxa máis recomendacións que as do Ministerio de Sanidade, e indicacións dos bispos galegos para os actos relixiosos
Contra a media noite do xoves confirmouse o positivo por coronavirus do marido da muller cuxa infección xa quedara ratificada. Xa fora illado por posible pneumonía e con síntomas máis evidentes
Trátase dunha muller que xa estaba en illamento no Hospital Álvaro Cunqueiro, ao presentar síntomas leves. Tamén o seu home, que padece unha pneumonía, está en illamento, pendente da confirmación da infección por COVID-19.
Un home de 49 anos, ingresado no CHUAC, acudiu a Urxencias o luns con síntomas que se podían relacionar coa enfermidade. O doente, que se atopa grave pero estable, reside en Madrid e viaxara á cidade herculina para unha entrevista de traballo. O Sergas destaca que todas as persoas que tiveron contacto con el están identificadas e que o virus "non está a circular por aquí"
No Estado español hai xa máis de 120 casos confirmados, pero Galicia é unha das tres comunidades autónomas (xunto con Murcia e Aragón) nas que aínda non se detectou ningún positivo. En calquera caso, para contextualizar o impacto real, cómpre lembrar que a gripe mata cada ano varias ducias de persoas en Galicia e motiva o ingreso hospitalario de máis de mil.
Pide a quen regrese dunha rexión de risco que manteña a actividade normal e preste atención a posibles síntomas
Falamos con Juan Gestal, profesor emérito de Medicina Preventiva na USC, sobre as características e os efectos da doenza, da que se rexistraron 9 casos no Estado español no último día e medio. Pide evitar alarmismos e subliña que as máscaras de protección son "totalmente innecesarias"