Coronavirus

Tras a confusión inicial, a Xunta aclara tamén que centros para persoas sen fogar poden abrir e especifica que determinados negocios privados tamén poden continuar abertos por estaren fóra das restricións

O Consello de Ministros do martes aprobará un paquete de medidas económicas para afrontar a crise do coronavirus; a intensidade desas accións xerou discrepancias no seo do gabinete. A necesidade destas accións tamén estará sobre a mesa este luns na xuntanza das forzas políticas galegas

O Ministerio dá 48 horas "ás persoas e empresas que dispoñan de material" sanitario para poñelo á disposición do dispositivo contra o coronavirus

Os pacientes están a ser maioritariamente atendidos na casa, un total de 148, e só 8 están a precisar asistencia na UCI. Este domingo a Xunta introducirá algunhas  mudanzas nas medidas contra o virus en eidos como o ensino ou os centros sociais

Todas as tendas de alimentación poden permanecer abertas con normalidade, tamén as áreas dos centros comerciais dedicadas á venda de alimentos. Bares e cafeterías teñen que pechar agás para entregas e envíos a domicilio. Recompilamos as medidas xa vixentes para frear o virus, engadindo as estipuladas na declaración de estado de alarma por parte do Goberno central

A Xunta admite dende hai días a preferencia por un adiamento electoral que semella máis factible baixo o estado de alarma; as formas de Feijóo anunciando a suspensión dos actos de precampaña do PP dende a sede do Goberno incomodaron ás forzas da esquerda

A maior parte das persoas que deron positivo por coronavirus en Galicia ata o momento están a ser atendidas na súa casa, un total de 115 un caso. Unicamente 7 precisan de atención en unidades de coidados intensivos 

Fronte ás escenas de compras compulsivas, institucións públicas ou asociacións veciñais organizan redes de axuda para facilitar a vida de persoas maiores ou con problemas de mobilidade durante as restricións pola crise do coronavirus

A declaración de estado de alarma implica dende este domingo restrición xeral de movementos agás para adquirir bens de primeira necesidade, acudir ao traballo ou asistir a maiores, menores e persoas en situación de dependencia

A área sanitaria con máis casos segue a ser a da Coruña, con 55, e a maioría das persoas infectadas reciben atención na casa, un total de 101