O índice interanual descende en Galicia en case dous puntos, do 11% ao 9,2%, pero segue por riba da media española. Ademais, hai produtos básicos coma o leite, o pan, o azucre, os cereais, as legumes e hortalizas ou a carne de vacún que continúan a encarecerse
A Xunta asume como propias as queixas de Monbús ao reprochar que os bonos gratuítos de tren sufragados polo Estado "discriminan" as empresas concesionarias das liñas de transporte por estrada, xustifica que a empresa elevase a rebaixa ata o 95% para competir co tren no eixo atlántico e afirma que "non pode esixir a aplicación dun desconto semellante noutros traxectos"
O bono social eléctrico pasará a cubrir ata o 80% e poderá solicitalo máis poboación. As caldeiras centralizadas de gas natural poderán acollerse a unha nova tarifa regulada. O presidente do Goberno de España lamenta que o PP de Feijóo se desmarque de medidas como a reforma do mercado eléctrico ou os límites aos ingresos das enerxéticas malia asumilos mesmo a Comisión Europea
As medidas fiscais aprobadas polos gobernos de España e Galicia difiren nos seus obxectivos: mentres o Executivo estatal crea un novo imposto ás fortunas e rebaixa o IRPF a quen menos gaña, a Administración galega aplica reducións mínimas que atinxen todos os contribuíntes e aumenta as vantaxes para os que máis teñen
Pouco despois de dar por desbotada a reforma fiscal, o Goberno de España lanza un paquete de modificacións na materia que inclúe novos tributos para quen teña máis de 3 millóns e diminucións de impostos para salarios inferiores a 21.000. O pagado por imposto de patrimonio desgravará no das grandes fortunas, o que na práctica neutraliza rebaixas fiscais á poboación máis rica como a anunciada nos últimos días pola Xunta
O tipo hiperreducido será agora aplicado a compresas e tampóns, ademais de a anticonceptivos non medicinais e preservativos.
Tras Lugo, a seguinte cidade galega con menos conexións por bus a prezo inferior a un euro é Ourense. Só dispón dela con Santiago, única ruta na que compite co tren. Ferrol tenas con Vigo, Santiago e Pontevedra pero non coa Coruña, a súa cidade máis próxima e coa que ten conexións ferroviarias moi deficientes. Monbús, principal empresa do sector, lanzou os descontos adicionais para "responder aos abonos ferroviarios gratuítos" e advirte de "avalanchas" de usuarios
SLG e UUAA lamentan que o debate sobre a proposta da ministra Yolanda Díaz deixe fóra o sector agrogandeiro, "o elo máis débil da cadea", e piden aumentar o control para facer cumprir a lei da cadea alimentaria e baixar así os prezos: "Non confiemos no voluntarismo da distribución".
A Comisión Europea propón limitar os ingresos extraordinarios das eléctricas que producen enerxía barata e impoñer unha "contribución solidaria" sobre os beneficios extra das que usan fontes fósiles. En total, uns 140.000 millóns para rebaixar a factura da luz. "Estes ingresos poden utilizarse para proporcionar axudas á renda, descontos [na factura de electricidade], investimentos en enerxías renovables, eficiencia enerxética ou en tecnoloxías de descarbonización", sinala a proposta
A electricidade e a calefacción encareceron un 52% nos últimos 12 meses e os carburantes, malia ás baixadas dos dous últimos meses, un 27%. Os alimentos son un 13% máis caros que hai un ano, os mobles un 11% e a roupa un 8%
O encarecemento dos prezos segue a ser responsabilidade das facturas de luz, gas e auga, cun incremento do 52,3% nos últimos 12 meses. En agosto baixaron notablemente os carburantes, pero mantívose a suba dos alimentos elaborados e dalgúns produtos básicos, coma o leite, o azucre e as legumes e hortalizas frescas