Galicia non é unha mina

Varios colectivos rexistran no Parlamento dúas iniciativas para incorporar na lexislación galega a proposta da Eurocámara e que evitaría proxectos como o de Corcoesto.

Cora Peña grava 'Tesouro de Corcoesto', documental sobre o proxecto mineiro que ameaza a comarca de Bergantiños e que busca a través da Rede financiamento e apoio social para darlle á sociedade galega información detallada e en profundidade sobre este conflito. Vídeo no interior.

A Plataforma pola Defensa de Corcoesto e Bergantiños advirte de que a empresa recibiu 350 mil euros para facer estudos nunha zona determinada, e que finalmente serviron para realizar prospeccións noutra área. Esixen o reintegro destes cartos públicos.

O IGAPE considera que o proxecto "non contribúe á expansión significativa do tecido industrial galego" e tampouco garante a creación de 250 postos de traballo directos e non supón a consolidación dos mesmos, nun informe feito público pola Plataforma pola Defensa de Corcoesto.

A Xunta dálles a razón á Plataforma pola Defensa de Corcoesto e ás asociacións de veciños de Corcoesto, Cereo e Valenza, que denunciaron que a empresa estaba traballando de xeito ilegal nas cuadrículas Julia 2 e Julia 3, que se atopan en tramitación e que afectan ao Concello de Coristanco.

O Órgano Reitor da Reserva da Biosfera dos Ancares Lucenses aprobou por unanimidade unha proposta do Sindicato Labrego para emitir un informe sobre o impacto negativo dos proxectos mineiros de Goldquest Ibérica e presentar alegacións.

Presentan unha demanda conxunta contra a empresa, unha subcontrata, o Concello de Coristanco, Augas de Galicia e as consellerías de Medio Ambiente e Industria por uns traballos de exploración que afectaron os acuíferos e deixaron sen auga 77 casas.

A Plataforma pola Defensa de Corcoesto e Bergantiños critica a visita do embaixador de Canadá Jon Allen a Galicia para actuar como lobby mineiro e denuncia que a mina de Corcoesto se poida empregar como moeda de cambio por investimentos ou colaboracións no eido naval, téxtil ou forestal.

A Xunta exíxelle máis garantías económicas a unha compañía que tería que ampliar o seu capital en case 26 millóns de euros para poder asumir o investimento. Anova cre que as peticións do Goberno galego "non é mais que unha pantomima fraudulenta en conivencia coa empresa".

A multinacional canadense asegura que cumprirá cos requirimentos da Xunta e promete solvencia económica para a mina de Cabana de Bergantiños.

O movemento cidadán e veciñal contrario á mina exixe a retirada definitiva do proxecto e advirte de que a intención da Xunta coa suspensión temporal "só é pedirlle máis cartos á empresa".

A Consellería de Economía comunica á empresa que non autoriza polo momento o proxecto ao "non cumprir as máximas garantías de viabilidade técnica e económica".