A obra, estreada en 2014, foi ampliada e actualidada co gallo do Día das Letras dedicado ás cantareiras e representarase estes días en Betanzos, Carballo e Bergondo. O espectáculo é tamén un traballo de investigación sobre a sexualidade, as relacións de xénero e os roles da muller na sociedade tradicional que aparecen reflexados nas coplas do cancioneiro popular galego.
O Consello da Cultura presentou a publicación conmemorativa da institución para o 17 de maio, un libro coordinado pola musicóloga Beatriz Busto Miramontes que inclúe unha escolma de 94 cantareiras a partir do corpus do Cancioneiro popular galego, unha antoloxía que "é en certo modo unha foliada". Ademais, unha ducia destas cantaruxeiras son ilustradas por Cestola na Cachola nun especial transmedia que incorpora audios e vídeos.
Malpica acollerá a sesión extraordinaria da Academia, na que Aida Tarrío e Olaia e Sabela Maneiro porán a música nun evento que personificará nas Pandeireteiras de Mens a homenaxe ás cantareiras. O pleno incluirá as alocucións académicas de Ana Boullón, impulsora da candidatura; de Antón Santamarina, coautor do Cancioneiro Popular Galego; e do expresidente da RAG Xesús Alonso Montero.
A Asociación de Medios en Galego, Dinahosting e PuntoGal vólvense unir para celebrar o Día das Letras Galegas e o Día de Internet. Todas as persoas que se dean de alta como socias e socios de Praza do 17 ao 31 de maio recibirán o agasallo, valorado en 170 euros, mediante un código que poderán empregar ata o 30 de xuño
Unha ollada feminista sobre a cultura tradicional galega uniu a Laura Varela, Iria Villares e Vanesa Siso, que se marcaron o obxectivo de recolocar o foco para ver de onde parte a tradición e quen foron as súas iniciadoras e mantedoras. O resultado é o documental 'Lévame a idea', no que participan Teresa dos Cucos, Felisa Segade, Sés, Mercedes Peón, Beatriz Busto, Branca Villares, Lupe Blanco, Xiana Lastra e as Lilaina, entre outras
En tres episodios, o documental busca "resaltar a forza viva da tradición dun pobo que segue a cantar porque quere". "Quixemos amosar como son as recollidas, a súa evolución e a dos espazos de aprendizaxe, e puxemos o foco na música do presente", subliñan
A RAG desenvolverá ao longo das Letras Galegas 2025 iniciativas concibidas para públicos de distintas idades que combinarán a divulgación na rede con actos públicos. Paula Carballeira e Nuria Díaz encárganse da obra orixinal para público infantil da Primavera das Letras, e Damián Varela e Alba López Álvarez presentan a serie documental Se canto é porque quero
O músico e investigador divulgará durante o ano das Letras Galegas dedicadas ás cantareiras 54 gravacións realizadas entre 1989 e 2011 con cantareiras de todo o país. "Pensabamos que eran un testamento da tradición, pero era algo que estaba vivo", resalta Xabier Díaz sobre a "escola de vida" que para el foi o contacto coas cantareiras, cuxa homenaxe "no pode chegar en mellor momento, nun tempo no que as herdeiras daquelas mulleres son as protagonistas dun novo rexurdimento da música de noso"
A sección arrinca coa presentación da celebración da académica Ana Boullón e mais unha tribuna do académico Antón Santamarina, que destaca que o ano que empeza aspira a ser unha gran festa da cultura de noso na que “cantar para gañar galegofalantes”
O resultado da votación organizada polo Portal das Palabras "soa a poesía e a música, a gana de compartir bos momentos, a voz feminina e colectiva". A RAG subliña a "enorme repercusión social, seguramente sen precedentes" que tivo a elección das cantareiras e a poesía popular pola que velaron como figuras homenaxeadas no vindeiro Día das Letras
Serán unhas Letras Galegas centradas sobre todo nas mulleres, principais creadoras e gardiás da tradición e da lingua. Tamén na música, unida de forma inseparable á literatura. E, ademais, "dialogarán coa modernidade de artistas que hoxe exploran novos vieiros para a literatura de base popular partindo da tradición recibida". A RAG personifica a homenaxe en Adolfina e Rosa Casás Rama (Cerceda), Eva Castiñeira (Muxía), e Prudencia e Asunción Garrido Ameijende e Manuela Lema Villar, tres das cinco Pandeireteiras de Mens, de Malpica.