O foco na transparencia

O Goberno galego evita dar detalles dos plans das grandes empresas que queren captar fondos da UE para compensar o peche das térmicas das Pontes e Meirama e, tras unha petición ao abeiro da lei de transparencia, limítase a citar os seus nomes. Unha filial enerxética do fondo de investimento Blackstone súmase á petición á que tamén concorren algunhas das principais eléctricas e compañías doutros sectores como as conserveiras Jealsa e Frinsa ou Leite Celta

Praza.gal solicitou ao abeiro da Lei de Transparencia os datos da enquisa sobre fusións municipais da que a Xunta publicitara algunhas cifras. Tras dous recursos, o Goberno di que só ten parte dos datos mentres a Fundación que fixo o inquérito completa un traballo máis amplo e só revela as "principais conclusións", como que o apoio ás fusións cae ao 56% se implican ao propio concello ou que "a poboación se identifica primeiro con Galicia, seguida da aldea ou vila de residencia e o barrio"

O Goberno galego gastou uns 30.000 euros no primeiro ano de implantación dunha medida na que se deron de alta 698 das 27.000 familias numerosas existentes no país

Tras desvelar Praza.gal o detalle de falecementos en cada centro logo de 20 meses de reclamacións legais os populares acceden a entregarllos á Cámara. O PP di agora que “a opinión pública ten dereito” e que a Xunta “sempre” estivo ao lado da transparencia, algo que desmentiu a Valedora do Pobo.

O Goberno galego evitou divulgar decisións como a autorización da universidade de Abanca ou o novo sistema de nomeamento de cargos de confianza impedindo así que o presidente fose preguntado por esas cuestións, en liña co que viña facendo Feijóo

A Valedora do Pobo, o TSXG e finalmente ata a Xunta admitiron que o detalle de falecementos en cada centro debe ser público

Tras rexeitar a xustiza un recurso do grupo que controla o sector en Galicia a Xunta desvela os seus datos oficiais a petición de Praza.gal.

A sentenza que rexeita a petición da empresa de que a Xunta oculte as mortes en cada residencia afea o seu “prexuízo a respecto da formación da libre opinión de cada cidadán”

Varias empresas do grupo argumentaban que os datos podían danar a súa imaxe, pero a sentenza salienta que o interese público debe estar por riba dos seus “motivos privados de interese económico”

Política Social desvía tamén á USC a responsabilidade sobre o balance oficial do impacto da pandemia nas residencias que lle solicitou a comisión de estudo creada no Parlamento 

Os servizos informáticos fixeron un informe que se limita a dicir que “foi dirixido de forma automática” á carpeta de correo non desexado, sen indicar que se rexistrase ningún erro, e o tribunal respondeu que estaba na súa man configurar mellor o sistema

A Comisión da Transparencia non pode obrigar nin sancionar o Goberno galego por non atender as súas decisións porque a propia Xunta non desenvolveu cun regulamento a norma aprobada hai seis anos