A Real Academia Galega e o Concello de Ames presentan o Mapa sociolingüístico escolar da localidade, que detecta unha perda do 10% de galegofalantes iniciais no primeiro contacto co medio educativo. Na secundaria só o 11% do alumnado é galegofalante e outro 11% bilingüe, fronte a un 77% de falantes habituais de castelán, a maioría deles monolingües
O informe da Academia sobre o uso da lingua no final do ensino obrigatorio certifica a súa escasa presenza nos centros privados, onde o 95% do alumnado declara que o castelán é maioritario ou exclusivo nas clases.
Máis dun 35% do alumnado castelanfalante que remata o ensino obrigatorio ten escasa capacidade para a lingua galega, segundo un estudo da RAG, que advirte que "a titularidade do centro si discrimina nas competencias" no idioma.
O Comité de expertos da Carta Europea das Linguas Rexionais e Minorizadas alerta de que "o coñecemento xeral do galego parece diminuír" e sinala que "está presente só nunha fracción dos centros de educación infantil". Así mesmo, tamén pide medidas para asegurar que se pode utilizar nos procedementos xudiciais.
O Estado envía un informe ampliado en resposta ás demandas da entidade europea incorporando a información das comunidades autónomas. O Goberno de Feijóo asegura que "en Galicia non hai limitacións ao ensino do galego" e presume dun modelo "totalmente bilingüe"
Este venres é o Día da Lingua Materna. Na actualidade, a lingua materna máis habitual en Galicia segue a ser o galego, pero por debaixo dos 50 anos hai xa máis persoas que "aprenderon a falar" en castelán. O futuro do idioma pasa en boa medida polas e polos neofalantes e pola súa decisión de falar en galego
O alumnado emprega o castelán de forma maioritaria cos seus mestres e mestras e tamén cos seus compañeiros e compañeiras, con porcentaxes semellantes ás de hai cinco anos. Un cambio na metodoloxía empregada polo IGE impide a comparación dalgúns indicadores cos datos anteriores
O 70% navega exclusivamente en castelán e outro 25% faino máis en castelán que en galego. Máis da metade dos galegos e galegas que empregan as redes sociais escriben en castelán "sempre" e outro 21% faino "máis en castelán"
Segundo o IGE, apenas o 18% dos nenos e nenas de 5 a 14 anos deu as primeiras palabras en lingua galega e tras décadas de devalo, entre menores de 40 son minoría as persoas ás que, durante a infancia, pais e nais lles falaban só ou maioritariamente en galego
Tan só o 26% dos nenos e nenas falan na lingua propia sempre ou acotío, dez puntos menos que hai dez anos. Tras unha década do decreto do plurilingüismo, a rapazada fala e sabe menos galego
Máis do 50% da poboación que é audiencia habitual da televisión, da radio e de xornais impresos e dixitais di desexar máis contidos en galego. No entanto, a lingua galega segue sendo minoritaria en todos os soportes e onde maior proporción acada, a televisión, non chega ao 20%
A comarca de Vigo é a área onde menos poboación usa acotío a lingua propia, un 25%, fronte ao máis do 92% na zona de Arzúa, Ordes e Melide ou da Costa da Morte. Na cidade olívica a porcentaxe é do 15,2% fronte ao 44% de Compostela ou da capital lucense