David Lombao
A Xunta exclúe as visitas dentro do Estado ao informar o Parlamento das súas viaxes oficiais
O Goberno galego responde unha pregunta parlamentaria do PSdeG sobre os desprazamentos institucionais do presidente e os conselleiros en 2010 obviando a súa axenda noutras comunidades autónomas.
Pachi Vázquez bota a andar a súa Executiva instándoa a "sumar" aos críticos
O líder dos socialistas galegos fai unha chamada á unidade interna e avoga por que os críticos "tamén conxuguen o verbo sumar". "Para non falar dos problemas de Galicia xa está Feijóo", di
Feijóo descarta cobrar máis polos medicamentos pero farao se o Estado o decide
O presidente asegura que "non vai poñer ningunha taxa" nas receitas pero condiciona a súa decisión aos acordos do Consello Interterritorial de Saúde. O Goberno galego introduce na súa reunión semanal un informe sobre a nova plataforma loxística do Sergas, que xestionará unha empresa privada.
Dorribo, o rei da ostentación que puido ser aliado da 'austeridade'
O presunto líder da trama 'Campeón' pedía axudas á Xunta, argumentando a necesidade de "aforro farmacéutico" ante os recortes de Zapatero, para pór en marcha unha planta de medicamentos que lle presentou a Feijóo en San Caetano. As súas louvanzas á "racionalización" producíanse mentres gastaba importantes cantidades en artigos de luxo. Galería no interior.
Feijóo di rexeitar o copagamento sanitario pero xustifica que se impoña en Catalunya
O presidente da Xunta chama dende La Moncloa a non "criminalizar" o presidente catalán por cobrar un euro por cada receita de medicamentos. Mariano Rajoy alimenta as incógnitas sobre o AVE á Meseta pero asegura que el mesmo anunciará a data de chegada.
Xesús Veiga: "O nacionalismo ten un problema máis: a división, e cómpre reconstruílo"
O ex deputado e antigo membro do colectivo Inzar, acabado de disolver, atribúe a decisión de Máis Galiza de abandonar o BNG á falta de "pluralidade" da fronte e chama a "tentar recuperar" a unidade. O novo líder de +G, Xoán Bascuas, aposta polo "diálogo con outras organizacións" coa vista posta nos comicios autonómicos. Vídeo no interior.
As fusións municipais de Feijóo baten con Baltar
O presidente da Deputación de Ourense aposta por "manter a identidade política" dos municipios e asegura que a institución que dirixe é "a maior fusionadora" pola vía de prestar servizos conxuntos a decenas de concellos da provincia
O PP impide cobrar máis impostos á banca e ás rendas superiores a 100.000 euros
PP, PSdeG e BNG acordan pedir "solucións" para os clientes dos bancos afectados polas participacións preferentes. A unanimidade da Cámara avala instar a Xunta a tramitar a Lei de Publicidade Institucional, a reclamar a construción do Parador de Muxía e a promover a fin dos anuncios de prostitución na prensa.
O PP abre a porta ao copagamento na Xustiza e a oposición pide impostos para rendas altas
Os conservadores recollen nas súas propostas de resolución do debate de política xeral o groso do discurso de Feijóo. Socialistas e nacionalistas coinciden en reclamar unha fiscalidade "máis progresiva", vetar as privatizacións na sanidade e investigar o acontecido nas antigas caixas.
Os alcaldes de Oza e Cesuras reducen a "intencións" a fusión que Feijóo deu por feita
O presidente da Xunta tenta situarse como referencia dun "novo mapa municipal" do Estado e os rexedores sinalan que a unión "se deu por feita" a causa do discurso de Feijóo ante o Parlamento, pero "estamos no inicio".
Feijóo pecha a lexislatura atrincheirado na "austeridade" e na crítica á oposición
O presidente tenta capitalizar o debate de política xeral co anuncio da fusión de dous concellos e a proposta dunha baixada do IRPF para quen inicie unha actividade empresarial. Pachi Vázquez reclama subirlles os impostos ás rendas altas e insta o líder popular a "deixar paso" se "non é quen de gobernar", Ana Pontón coida que "moitos galegos" xa lle están "asinando o finiquito" ao xefe do Goberno.
Feijóo sepulta baixo unha fusión municipal o último debate da lexislatura
O presidente da Xunta tenta capitalizar o pleno de política xeral co acordo de unión de dous concellos coruñeses, que se concretará este mércores, nun discurso co único anuncio da supresión dos vicevaledores do Pobo e do Consello Económico e Social.