A quen votan os parados e paradas?
Un estudo da Fundación Alternativas conclúe que o comportamento electoral das persoas sen emprego non é diferente do dos ocupados, descartando que castiguen co seu voto os partidos gobernantes, e só detecta unha menor participación. Falamos cun dos seus autores, Miguel Caínzos, profesor da USC.
Son necesarias unha autoestrada e tres autovías paralelas en Pontevedra?
A SGHN vén de presentar ante o Goberno central un novo escrito sobre o proxecto de Autovía A-57 (Pontevedra-Porriño), denunciando o malgasto de recursos nunha infraestrutura innecesaria, que se uniría á nova A-59 (Vilaboa-Peinador), á autovía A-55 (Vigo-Porriño) e á AP9, de pago.
Cuntis: En defensa dunhas termas para toda a veciñanza
A Plataforma Veciñal na Recuperación do Patrimonio Termal rexistrou un recurso de alzada dirixido á Consellaría de Industria polo proxecto de saneamento da burga Lume de Deus, unha das dúas termas de acceso público na localidade, un uso público que se vería ameazado.
Entidades pola educación inclusiva denuncian os efectos dos recortes da Xunta no ensino
Parten do caso de Arturo un neno con autismo escolarizado no CEIP Salgado Torres da Coruña, pero advirten que "é un máis dos moitos que últimamente se dan nos colexios públicos de Galicia e que están directamente relacionados coa diminución de orzamentos para a educación".
A parálise de Navantia anticipa un 1º de maio quente en Ferrol
Ás habituais manifestacións convocadas polos sindicatos, que se prevén moi numerosas, únense outras mobilizacións dende este martes. O xoves, ademais, un grupo de cidadáns chaman a "rodear o Concello" durante todo o día para esixir medidas para paliar a difícil situación da comarca.
O vento de Syriza sopra en Galicia
Alexis Tsipras, líder da coalición grega e candidato da esquerda europea a presidir a Comisión, protagoniza con Lidia Senra o acto político celebrado por AGE este domingo en Compostela, e no que tamén participaron Willy Meyer, José Soeiro (Bloco), Xosé Manuel Beiras e Yolanda Díaz.
"A oposición desbotou a vía electoral para tentar cambiar o goberno"
A Farruco Sesto correspondeulle o peche Pontevedra a XXI Semana Galega de Filosofía, dedicada á Revolución. Falamos con el da actualidade política venezolana e da relación coa comunidade galega naquel país. Destaca que "non se fai unha revolución para o pobo, senón que o pobo é quen a fai"
Otelo Saraiva de Carvalho: Instrucións para facer unha revolución
A tres días de conmemorar o 40 aniversario da Revolução dos Cravos, o ex militar relatou en Pontevedra, no marco da Semana Galega de Filosofía, a súa experiencia na acción que derrubou a ditadura en Portugal. Alerta de que se están a crear as condicións para o ascenso dunha ditadura de dereitas.
A praia da Madalena de Cedeira, ou como tirar 250 mil euros ao mar
Colectivos cidadáns, ecoloxistas e forzas políticas denuncian o desbalde dun cuarto de millón de euros nunhas obras de recheo, sen estudo de impacto ambiental, ineficaces e que ademais prexudicarán a ría, unha das dúas únicas reservas mariñas existentes en Galicia.
'Ultranoite no país dos ananos', "a paradinha" de Chévere
Este venres chega ao Auditorio da Ramallosa, en Teo, o último espectáculo da compañía. Un repaso cheo de música e humor negro a vinte anos de Ultranoites e á historia recente, un “país dos ananos" que "non é toda Galicia, pero si a Galicia oficial”. Vídeo no interior
Domingos Merino, A Coruña que puido ser
O primeiro alcalde despois da ditadura, e primeiro alcalde nacionalista, recibirá unha homenaxe o vindeiro martes no Círculo de Artesáns. A polémica da capitalidade e os intentos do seu goberno de regular o urbanismo da cidade apartárono do bastón de mando dous anos despois de tomar posesión.
A UDC critícalle á Academia Galega de Ciencia a "invisibilización" das mulleres científicas
A Oficina de Igualdade de Xénero da Universidade da Coruña lanza a campaña Día d@ Científic@ Galeg@ e lembra que o pasado ano lle remitiron ao presidente da Academia unha carta de protesta "que non tivo resposta".